БИШКЕК, 6-окт. — Sputnik. Баткен облусунун Лейлек районунда көмүр алып бара жаткан жүк ташуучу унааны көпүрө көтөрө албай түшүп кетти. Бул тууралуу Sputnik Кыргызстан агенттигине WhatsApp каналы аркылуу күбө билдирди.
![Баткен облусунун Лейлек районунда көмүр алып бара жаткан жүк ташуучу унааны көпүрө көтөрө албай түшүп кетти Баткен облусунун Лейлек районунда көмүр алып бара жаткан жүк ташуучу унааны көпүрө көтөрө албай түшүп кетти - Sputnik Кыргызстан](https://sputnik.kg/img/103558/16/1035581650_0:96:1031:745_600x0_80_0_0_131261b6142233a6aabffabdcd8f1327.jpg)
![Унаа Тажикстанга көмүр алып кирип бараткан. Айдоочу машинаны посттон өткөрүп, эски көпүрөнүн үстүнө токтотуп коюп, документтерин чек арачыларга текшертүүгө кеткенде көпүрө түшүп кетти. Унаа Тажикстанга көмүр алып кирип бараткан. Айдоочу машинаны посттон өткөрүп, эски көпүрөнүн үстүнө токтотуп коюп, документтерин чек арачыларга текшертүүгө кеткенде көпүрө түшүп кетти. - Sputnik Кыргызстан](https://sputnik.kg/img/103558/16/1035581645_0:92:1031:741_600x0_80_0_0_23f6c6faec8bcef7287a6a7023c0f742.jpg)
Анын айтымында, окуя Кулунду айылындагы Кыргызстан менен Тажикстандын чек ара постунда болгон.
"Унаа Тажикстанга көмүр алып кирип бараткан. Айдоочу машинаны посттон өткөрүп, эски көпүрөнүн үстүнө токтотуп коюп, документтерин чек арачыларга текшертүүгө кеткенде көпүрө түшүп кетти. Айдоочу жабыр тартпаганы менен унаа көпүрөнүн алдына оодарылып түшүп кетти", — деди күбө.
Мындай кырсыктын болгонун Баткен ОИИБинин маалымат кызматынан тастыкташты.
Ал эми Кулунду айыл өкмөтүнүн башчысы Кудайберген Тажибаев Sputnik Кыргызстан агенттигинин кабарчысына унаа түшүп кеткен көпүрө Тажикстандын Кожобакыр суусуна курулганын билдирди.
"Унааны суудан чыгарып алышты. Көпүрөнүн жарымы сынып калгандыктан Тажикстан менен Лейлек районуна эки тарапка унаалар өтө албай жатышат. Ал эми жөө жүргүнчүлөр мурдагыдай эле каттоодо", — деди Тажибаев.
Узундугу 12, туурасы 8 метр болгон көпүрө Тажикстан тарапка тиешелүү болгондуктан, кошуна мамлекет аны өзү ондой тургандыгын билдиргени кошумчаланды.