БИШКЕК, 29-авг. — Sputnik. Бишкектеги жол кырсыгынан Афган согушунун ардагерлеринин республикалык кеңешинин төрагасы Тыныбек Кадыров каза болду. Бул маалыматты Жогорку Кеңештин депутаты Кожобек Рыспаев Sputnik Кыргызстан агенттигине тастыктап берди.
Тыныбек Кадыров 1967-жылы туулган. Буга чейин КСДП партиясынын тизмеси менен Жогорку Кеңештин 6-чакырылышына талапкер болгон.
Бишкек шаардык Кайгуул милициясы окуянын чоо-жайын кийинчерээк билдирерин маалымдады.
