БИШКЕК, 12-май — Sputnik. Бишкек шаарынан эки автоунаа бир эле жерден эки окуучуну коюп кетти. Бул тууралуу Бишкек ШИИБдин Кайгуул милиция башкармалыгынан билдиришти.
© © видео очевидца, отправленное по Whats App-канал
Алдын ала маалымат боюнча жол кырсыгы Абдрахманов көчөсүнүн 9-кичи район аймагында болгон. Lexus RX 300 үлгүсүндөгү кара түстөгү унаа түштүк тарапты көздөй бара жатып бир окуучуну коюп кеткен. Ушул эле учурда ак түстөгү Honda Civic үлгүсүндөгү машина экинчи окуучуну сүзгөн. Учурда алар ооруканада, абалдары туруктуу. Биринин буту чоюлуп калган, экинчисин дарыгерлер карап жатат.
Lexus машинасынын айдоочусу окуя болгон жерден кеткен эмес, ал эми Honda Civic үлгүсүндөгү автоунаанын айдоочусу из жашырган. Учурда аны издөө иштери жүрүүдө.
