БИШКЕК, 29-апр. — Sputnik. Президент Алмазбек Атамбаев Өзгөндүн Аюу-Сай айылында болгон жер көчкүнүн кесепеттерин жоюу боюнча зарыл чараларды көрүп, жабыр тарткандарга жардам берүүнү тапшырды. Бул туурасында мамлекет башчынын маалымат кызматынан кабарлашты.
Бүгүн таңда көлөмү 1 миллион кубометр болгон жер көчкү жүрүп, он бир турак жайды жашоочулары менен басып калган.
Учурда кырсыктагандандарды куткаруу боюнча 100 куткаруучу иштеп жатат. Өзгөчө кырдаалдар министри Кубатбек Боронов баш болгон жетекчилер окуя болгон жерде жүрөт.
