Ошто уюшкан кылмыштуу топтун мүчөлөрү делген адамдар колго түшүрүлдү

© Фото / Зульфия ТургуноваСотрудники правоохранительных органов во время задержание подозреваемого в членстве ОПГ
Сотрудники правоохранительных органов во время задержание подозреваемого в членстве ОПГ - Sputnik Кыргызстан
Жазылуу
Ош районунда кечки саат 18.15 чамасында асманга эскертүүчү ок чыгарылып, уюшкан кылмыштуу топтун мүчөлөрү делген жарандар кармалды.

БИШКЕК, 10-фев. — Sputnik. Ош шаарында кичи базар аймагындагы май куюучу жайдан уюшкан кылмыштуу топтун мүчөлөрү деген шек менен бир нече жаран кармалганын Sputnik Кыргызстан агенттигинин аймактык кабарчысы билдирди.

Маалыматка караганда, окуя кечки саат 18.15 чамасында болуп, асманга эскертүүчү ок атылган.

Ош облустук ИИБдин маалымат катчысы Жеңиш Ашырбаев аталган аймактан кылмышка шектелген жарандар кармалганын ырастады.

"Башкармалыктын түштүк аймактагы бөлүмүнө мындан бир ай мурда арыз түшкөн. Анда кылмыштуу топтун мүчөлөрү опузалоо жолу менен жарандан акча, унаа талап кылып жатышканы айтылган. Ошол арыздын негизинде бүгүн шектүү делген жарандар колго түшүрүлдү", — деди Ашырбаев.

Ал бул боюнча дагы кошумча маалымат берилерин белгиледи.

Жаңылыктар түрмөгү
0