БИШКЕК, 30-янв. — Sputnik. Тоо-кен тармагынан Кыргызстандын бюджетине эң көп киреше 2015-жылы түшкөн. Бул тууралуу Өнөр жай, энергетика жана жер казынасын пайдалануу мамлекеттик комитетинин төрагасы Эмил Осмонбетов Коопсуздук кеңешинин жыйынында билдирди.
Ал 2010-жылдан берки киреше тууралуу сөз кылды.
"2010-жылы бюджетке 5 миллиард сом түшкөн. Буга чейинки эң көп киреше 15 миллиард сомду түзүп, 2015-жылга туш келген. Бул "Жерүй" кенинин лицензиясынын сатылышына байланыштуу, — деди Осмонбетов.
Ошондой эле алтын, жез сыяктуу сейрек кездешкен металлдардын ар биринин запасы 2 миң тоннадан экенин кошумчалады.
