БИШКЕК, 11-окт. — Sputnik. Август айында Кыргызстандан чыккан акчанын көлөмү рекорддук чекке жеткени Улуттук банктын маалыматында айтылат. Мында сөз жеке жактардын каражат которуулары тууралуу болууда.
Улуттук банктын сайтында 2005-жылдан берки маалымат бар.
Акчанын агымы былтыркы жылдан тарта көбөйө баштаган.
Августта сумма 51 миллион долларды түздү. Буга чейинки рекорддук көрсөткүч өткөн жылдын октябрында катталган, чет жакка 47,1 миллион доллар которулган.
Эмне үчүн республикадан акча "чыгып кетип" жатканы тууралуу Sputnik Кыргызстан материал даярдаган.
