БИШКЕК, 25-май — Sputnik. Россия Кыргызстанга 30 миллион доллар гранттык акча бөлгөнүн финансы министри Адылбек Касымалиев парламенттин жыйынында билдирди.
Анын айтымында, Россия ЕАЭБге адаптациялашууга бөлө турган 200 миллион доллардын бир бөлүгү сакталып турат. Айрым юридикалык процедуралардан кийин ал каражат бир катар министрликтерге берилмекчи.
"Май айында Россиядан 30 миллион доллар өлчөмүндө грант бөлүндү. Анын теңи күч түзүмдөрүнүн өкүлдөрү үчүн турак жай курууга, экинчи жарымы бюджетти колдоого сарпталат", — деди министр.
Касымалиев аталган каражаттын бюджетке өзгөртүү киргизүүдө мааниси чоң болорун белгилеп өттү.
