"Жер-Үй" алтын кенинде курулуш иштери башталды

© Sputnik / Виктор Попов / Медиабанкка өтүүАлтын кени. Архив
Алтын кени. Архив - Sputnik Кыргызстан
Жазылуу
"Жер-Үй" алтын кенинин запасы 105 тоннадан 553 тоннага чейин деп бааланууда.

БИШКЕК, 26-апр. — Sputnik. Таластагы "Жер-Үй" алтын кенинде инфраструктуралык курулуштарды салуу расмий түрдө 25-апрелде башталды. Бул тууралуу Өнөр жай, энергетика жана кендерди колдонуу боюнча мамлекеттик комитетинин маалымат кызматы билдирди.

Аталган кендин инфраструктурасын куруу апрель айынын ортосунда башталары буга чейин маалымдалган болчу. 

Сариев о продаже Megacom: это простая экономика и логичное решение - Sputnik Кыргызстан
Өзүн актай албай сатылып жаткан 7 мамлекеттик ишкана. Баасы жана себептери
Иш-чарага Өнөр жай, энергетика жана кендерди колдонуу боюнча мамкомитеттин төрага орун басары Азис Сапаралиев, Талас облустук жана райондук администрациясынын өкүлдөрү менен жергиликтүү тургундар катышкан.

Сапаралиев "Жер-Үй" долбоорун ишке ашыруу Туруктуу өнүгүү улуттук стратегия программасында каралганын баса белгиледи.

Курулуш иштери башталары менен миңдей киши жумуш орду менен камсыз болот. Андан сырткары, Таластын элине социалдык колдоо дагы көрсөтүлүп, ал үчүн төрт фонд түзүлгөн.

"Альянс-Алтын" компаниясынын маалыматына ылайык, учурда "Жер-Үй" алтын кенинен Бишкек — Суусамыр — Талас — Тараз жолуна чейинки жолдун курулушу башталды.

Аталган алтын кенден 2018-жылдын аягында биринчи алтын алуу пландалууда.

Эске салсак, "Жер-Үйдөгү" алтын кендин запасы 105 тоннадан 553 тоннага чейин деп бааланууда.

Жаңылыктар түрмөгү
0