23:31 16 Үчтүн айы 2018
Түз эфир
Премьер-министри Сапар Исаков Эстониянын Таллин шаарында өткөн Темные ночи Эл аралык кинофестивалында баш байге алган Түнкү кырсык тасмасынын чыгармачыл тобуна алкыш жарыялады

Сапар Исаков "Түнкү кырсык" тасмасынын жаратуучуларына алкыш айтты

© Пресс-служба правительства / Сабыр Аильчиев
Маданият
Кыскача шилтеме алуу
135 0 0

90 мүнөткө созулган "Түнкү кырсык" тасмасына алты миллион сом сарпталган

БИШКЕК, 13-янв. — Sputnik. Премьер-министри Сапар Исаков бүгүн, 13-январда, Эстониянын Таллин шаарында өткөн "Темные ночи" Эл аралык кинофестивалында баш байге алган "Түнкү кырсык" тасмасынын чыгармачыл тобуна алкыш жарыялады. Бул тууралуу өкмөттүн маалымат кызматынан билдиришти.

Исаков белгилегендей, ата мекендик кинематографисттер өлкөнүн өнүгүүсүнө чоң салым кошууда.

"Биздин максат — кыргыз киносунун мурдагы атагын кайтаруу. Кино аркылуу дүйнө жүзүнө өлкөбүздү тааныта алабыз. Ошондуктан биз киномектепти өнүктүрүүгө орчундуу каражат салабыз. Бирок алгач кинематографисттердин иштөөсү үчүн материалдык жана инфраструктуралык жаатта бардык шарттарды түзүүбүз керек. Сиздер заманбап жана бардык тийиштүү жабдуулар менен камсыздалган имаратка келип, чыгармачылык менен алектенишиңиздер зарыл. Учурда бөлүнүп жаткан каражаттар кинематографияны өнүктүрүүгө жетишсиз", — деди премьер.

"Түнкү кырсык" тасмасы "Кыргызфильмдин" киностудиянын бекитилген чыгармачыл-өндүрүштүк программасына ылайык, 100 пайыз мамлекеттик каржылоо аркасында студиянын техникалык базасын пайдалануу менен тартылган. Фильмди тартууга 10 ай кеткен. 90 мүнөткө созулган тасмага алты миллион сом сарпталган.

Тема боюнча

"Түнкү кырсык" тасмасы Бангладеште өтчү кинофестивалга катышат
Темир Бирназаровдун "Түнкү кырсык" тасмасы Таллинде баш байге алды
Белгилер:
өнүктүрүү, кино тасма, Сапар Исаков
Колдонуу эрежелериПикирлер

ЭҢ МААНИЛҮҮ