07:37 05 Баш оона 2020
Түз эфир
  • USD76.9120
  • EUR90.7023
  • RUB1.0481
Маданият
Кыскача шилтеме алуу
401 0 0

Тарых барагында аты алтын тамгалар менен жазылып калган Тайлак баатыр бир тууганы Атантай менен кыргыз элинин эркиндиги, көз карандысыздыгы үчүн канын азык, каруусун казык кылып келген инсандардан.

БИШКЕК, 31-июл. — Sputnik. Үстүбүздөгү жылдын 30-июлунда Соң-Көл жээгинде айтылуу Тайлак баатырдын 220 жылдык мааракеси өттү.

  • Үстүбүздөгү жылдын 30-июлунда Соң-Көл жээгинде айтылуу Тайлак баатырдын 220 жылдык мааракеси өттү
    Үстүбүздөгү жылдын 30-июлунда Соң-Көл жээгинде айтылуу Тайлак баатырдын 220 жылдык мааракеси өттү
    © Пресс-служба правительства / Сабыр Аильчиев
  • Салтанаттуу иш-чара баатырдын Ак-Талаа районундагы күмбөзүнө барып, куран окуу менен башталды
    Салтанаттуу иш-чара баатырдын Ак-Талаа районундагы күмбөзүнө барып, куран окуу менен башталды
    © Пресс-служба правительства / Сабыр Аильчиев
  • Куттуктоо сөздөрүн Жогорку Кеңештин төрагасы Чыныбай Турсунбеков менен премьер-министр Сооронбай Жээнбеков сүйлөп, Тайлак баатырдын кыргыз тарыхындагы ордуна кеңири токтолушту
    Куттуктоо сөздөрүн Жогорку Кеңештин төрагасы Чыныбай Турсунбеков менен премьер-министр Сооронбай Жээнбеков сүйлөп, Тайлак баатырдын кыргыз тарыхындагы ордуна кеңири токтолушту
    © Пресс-служба правительства / Сабыр Аильчиев
1 / 3
© Пресс-служба правительства / Сабыр Аильчиев
Үстүбүздөгү жылдын 30-июлунда Соң-Көл жээгинде айтылуу Тайлак баатырдын 220 жылдык мааракеси өттү

Салтанаттуу иш-чара баатырдын Ак-Талаа районундагы күмбөзүнө барып, куран окуу менен башталды. Андан соң маараке Соң-көлдө уланып, салтанатты Нарын облусундагы өкүлү Аманбай Кайыпов ачты. Андан сырткары, куттуктоо сөздөрүн Жогорку Кеңештин төрагасы Чыныбай Турсунбеков менен премьер-министр Сооронбай Жээнбеков сүйлөп, Тайлак баатырдын кыргыз тарыхындагы ордуна кеңири токтолушту.

Маараке театрлаштырылган оюн-зоок менен коштолуп, анда Тайлак баатыр жашаган доордун бир ирмеми чагылдырылып, эл-жерди коргоо сезими, эр жүрөктүүлүк даңазаланды. Ири программадагы концерт менен коштолгон оюн-зоок ат оюндары менен уланып, элге бүйүр кызыткан ат чабыш, күрөш, эр эңиш тартууланды.

Тайлак баатырдын айкели. Архив
© Фото / Госдирекция по подготовке и проведению года истории и культуры
Көл жээгинде Нарын облусундагы райондордун атынан жайгашкан айылдарга аймактан чыккан чыгаандардын аты берилип, "Тайлак", "Атантай" айылдары (Ак-Талаа району), "Кошой" айылы (Ат-Башы району), "Ормон хан" айылы (Кочкор району), "Байзак" айылы (Жумгал району), "Арстанбек" айылы (Нарын району) келген конокторду тосушту.

Эскерте кетсек, XVIII кылымда жашап, кыргыз чегин Кокон хандыгы менен кытай баскынчыларынан коргоп тарыхта калган Тайлак баатырдын 220 жылдыгын белгилөө президент Алмазбек Атамбаевдин Жарлыгы менен мамлекеттик иш-чаралардын катарына кирген.

Анын алкагында баатырдын күмбөзү оңдолуп, мааракеси белгиленип, "Тайлак баатыр" аттуу тасма тартылмай болду.

Тема боюнча

"Оймо – 2016": этникалык мода, бий жана майрамдык парад
Интернетте Көчмөндөр оюндарынын расмий проморолиги жарыяланды
Белгилер:
салтанат, Тайлак баатыр, Соң-Көл

ЭҢ МААНИЛҮҮ