БИШКЕК, 23-апр. — Sputnik. Москва менен Бишкектин биргелешкен иши Кыргызстандын экономикасына жакшы таасир берүүдө. Бул тууралуу РФ президенти Владимир Путин билдирди.
Ал бүгүн Кремлде Кыргызстандын президенти Садыр Жапаров менен жолугушту.
“Бардык келишимдер аткарылып жатат. Эки тарап тең активдүү, интенсивдүү иш алып барууда. Бул иштин жыйынтыгын көрүп жатабыз, ал Кыргызстандын экономикасына жакшы таасир берүүдө ”, — деди Путин.
Ал эми Садыр Жапаров Владимир Путинди августта Кыргызстанда өтө турган ШКУ саммитине чакырды.
"Быйыл 31-августта жана 1-сентябрда Бишкекте ШКУ саммити өтөт. Ошого байланыштуу сиздин келип, ШКУ саммитине катышууңузду чыдамсыздык менен күтөбүз", - деди Жапаров.