Өкмөттүн токтому менен 1941-жылы 17-ноябрда Фрунзе шаарында кинохроника студиясы уюштурулган. Мекеме согуш маалында кыргыз, орус тилинде "Советтик Кыргызстан" киножурналын тартып, бара-бара толук метраждуу көркөм, даректүү тасмаларды жарата баштаган.
60-жылдары Москвадан билим алган кыргыз жаштары Кыргызстанга келип өз кинофильмдерин жаратуу боюнча иштеген. Алардын катарында Лилия Турусбекова, Фатима Мамуралиева, Мелис Убукеев, Төлөмүш Океев, оператор Марлес Туратбеков, Кадыржан Кыдыралиев болгон. Дымактуу киночулар "кыргыз кереметин" жаратып, ар кыл жанрдагы мыкты кинокартиналар менен эл аралык кинофестивалдарга катышкан. Мисалы, Океевдин "Көк сереги" Оскар сыйлыгына көргөзүлүп, Шамшиевдин "Бөрү зындан" кинофильми мамлекетке 100 миллион доллардан ашык киреше алып келген.
Ал эми 70-80-жылдары ата мекендик кинематографисттер далай шедеврлерди жаратып, чет элдик студиялар менен кызматташууга жарап калган. Союз маалында Кыргызстанда жыл сайын ар кыл жанрдагы 15-20 фильм тартылып, атагы алыска кеткен.
1 / 15
"Бакайдын жайыты" киносун тартуу учуру. Балдар менен жарыша чуркаган кинорежиссёр Төлөмүш Океев
© Александр Федоров
Тема боюнча: