БИШКЕК, 26-июн. — Sputnik. 27-июнда күндүз тоо этектеринде жана тоолуу райондордо өткүн өтүп, күн күркүрөшү мүмкүн, өрөөндөрдө күн ачык болот. Бул тууралуу Кыргызгидромет билдирди.
Абанын температурасы Чүй, Ош, Жалал-Абад жана Баткен облустарында +30...+35, Талас аймагында +25...+30, Ысык-Көлдө +23...+28, Нарын жергесинде +24...+29 градус ысык болот.
Борбор калаада күндүн табы +31...+33, Ош шаарында +33...+35, Чолпон-Атада +24...+26 градуска чейин көтөрүлөт.