Кыйын кезең жаралбашы үчүн Европанын көп өлкөлөрү жаратылыш газын рубль менен сатып алууга эсеп ачып жатышат. Анткени Россияны санкциялар аркылуу изоляциялайбыз деген Батыштын ою оңунан чыккан жок. Бул тууралуу Мырзакат Тыналиев Sputnik Кыргызстан радиосунда маек куруп жатып билдирди.
Анын айтымында, Россия колунда бир топ экономикалык рычагдары бар күчтүү мамлекет экенин көрсөтө алды.
"РФке коюлган санкциялар Батыштын айрым лидерлери күткөн натыйжаны берген жок. Батыштын негизги кадамдарынын бири санкциялык согуш болсо, экинчиси идеологиялык кагылыш болууда. Россияны өзүнүн элине, кызматташкан жакынкы мамлекеттерге жаман көрсөтүү аркылуу чектөө максаты болгон. Мындан тышкары, бул мамлекетти экономикалык жактан багынып берет деп ойлошкон. Бирок Россия колунда бир топ экономикалык рычагдары бар күчтүү өлкө экенин көрсөтө алды. Анын бири – газ. Кыйын кезең жаралбашы үчүн Европанын көп өлкөлөрү жаратылыш газын рубль менен сатып алууга эсеп ачышууда. Себеби аны санкциялар аркылуу изоляциялайбыз деген Батыштын ою оңунан чыккан жок", — деди Тыналиев.
Ошондой эле адис Кытай Россияны саясий, экономикалык жактан да колдоп, кызматташып жатканын кошумчалады.