БИШКЕК, 20-мар. — Sputnik. 21-март, Нооруз күнү, ордо калаада 2000ден ашык милиция кызматкери коомдук тартипти көзөмөлдөйт. Бул тууралуу Бишкек ШИИБдин маалымат кызматы кабарлады.
Билдирмеге караганда, "Ала-Тоо" аянтынын айланасына мобилдик өткөрүү пунктулары орнотулуп, тартип сакчылар элди текшерип киргизет.
ШИИБ мындай чараларды түшүнүү менен кабыл алууга чакырып, коопсуздукка коркунуч жаралса дароо 102 номерине чалууну өтүндү.
Буга чейин ИИМ Нооруз майрамында өлкө боюнча 6000ден ашуун милиция коомдук тартипке көз саларын билдирген.