БИШКЕК, 2-янв. — Sputnik. Дүйшөмбү күнү, 3-январда, өлкөнүн көпчүлүк аймактарында күн ачык болот. Айрым тоолуу аймактарда кечкисин кар жаашы күтүлөт. Бул тууралуу Кыргызгидромет маалымдады.
Ага ылайык, өлкөнүн бардык аймактарында батыштан соккон шамалдын ылдамдыгы секундасына 4-9 метрге жетиши күтүлүүдө.
Абанын температурасы Чүй өрөөнүндө +7…+12, Таласта +8…+10, Ысык-Көл жергесинде +2…+7, Жалал-Абадда жана Ошто +10…+12, Баткенде +9…+11, Нарын аймагында -7…-9 градус болору айтылды.
Термометр Бишкек жана Ош шаарларында +10…+12 градусту көрсөтөт.