БИШКЕК, 24-май — Sputnik. Түндө Кара-Кулжа районундагы Кашка-Жол айылында автоунаа оодарылып кетип, катуу жабыркаган үч киши ооруканага жеткирилди. Бул туурасында ӨКМдин маалымат кызматынан кабарлашты.
Түндө Кара-Кулжа районундагы Кашка-Жол айылында автоунаа оодарылып кетип, катуу жабыркаган үч киши ооруканага жеткирилди
© Фото / пресс-служба МЧС КР
Кырсык аталган айылдын Таш-Кыя тилкесинде түндө болжол менен саат 00:22 чамасында болуп, айдоочу Daewoo Matiz-3 автокөлүгүн башкара албай калган.
"Автоунаа жолдун четине чыгып, андан соң аңтарылып кеткен. Куткаруучулар жабыркагандарды машинанын ичинен чыгарышып Тез жардам кызматына өткөрүп беришкен", — деп айтылат маалыматта.
ӨКМден оор жаракат алган үч кишинин аты-жөнүн тактап жатканын кошумчалашты.