БИШКЕК, 2-фев. — Sputnik. Бөйрөк оорусунун 5-стадиясы менен жабыркап, өз каражатына гемодиализ алып жүргөн 205 бейтап эми аны бюджеттин эсебинен ала турган болду. Бул тууралуу Саламаттык сактоо министрлигинин маалымат кызматы кабарлады.
Бүгүнкү күндө өлкөдө бюджеттик негизде 1 896 адам гемодиализ алат, анын ичинен 1613ү Милдеттүү медициналык камсыздандыруу фонду тарабынан, 283ү мамлекеттик-жеке өнөктөштүк багыты менен "Фрезениус Медикал Кеа" гемодиализ борборунан алышат.