БИШКЕК, 12-окт. — Sputnik. Бүгүн, 12-октябрда, Улуттук энергохолдингдин мурдагы башчысы Айбек Калиев мурда жазасын өтөп жаткан мекемеге өз ыктыяры менен кайтып келди. Бул тууралуу УКМКнын маалымат кызматы билдирди.
Ал 6-октябрга караган түнү элдик толкундоолор учурунда бошотулган.
"Учурда ал жаза өтөөсүн улантуу үчүн УКМК кызматкерлеринин коштоосунда мурдагы жайына жеткирилген", — деп айтылат билдирүүдө.
Атамбаев эмнеге Кой-Таштан кармалган эмес. Адвокат окуянын чоо-жайын айтты
"Улуттук энергохолдинг" ишканасынын мурдагы директору Айбек Калиев өткөн жылы Бишкек ТЭЦин реконструкциялоодогу коррупцияга тийиштиги бар деп айыпталып, үй-мүлкүн мамлекетке алуу менен 15 жылга эркинен ажыратылган.