БИШКЕК, 14-ноя. — Sputnik. Жогорку Кеңештин төрагасы Дастан Жумабеков бүгүн Японияга каршы ойной турган КР футболчуларына парламенттин атынан ийигилик каалады.
Белгилей кетсек, Япония менен Кыргызстандын футбол командалары бүгүн, 14-ноябрь күнү, саат 17:15те Дөлөн Өмүрзаков атындагы стадиондо мелдешет.
"Бүгүн оюнга чыга турган улуттук командага ийлигик каалап, жеңишке жетишине күч-кубат берип койсок. Алар бүгүн утуп чыгып бизди кубандырып, жакшы манай тартууларына ишенем. Албетте, Японияда дагы Азиядагы эң күчтүү командалардын бири. Бирок ага карабай биздин күчтүү футболчуларыбыз жеңишке жетет деп ойлом", — деди Жумабеков.
Ошондой эле депутаттарды эгер убактысы болсо, стадионго барып футболдук беттешти көрүүгө чакырды.
Аталган оюндар 2022-жылы Катарда өтө турган дүйнө чемпионатынын тандоо турунун алкагында өтүп жатат.