13:13 19 Аяк оона 2019
Түз эфир
  • USD69.8460
  • EUR77.1205
  • RUB1.0841
Айыл кэмп этно лагеринин негиздөөчүсү Жакшылык Матанов. Архив
© Фото / Айдай Асаналы

Матанов: 60 балага кой союп, жилик тартуунун эрежесин үйрөттүк

Радио
Кыскача шилтеме алуу
235 0 0

"Айыл кэмп" этно лагеринин негиздөөчүсү Жакшылык Матанов аталган лагерге келгендер улуттук оюндарды үйрөнүү менен биргеликте мал союп, боорсок жасаганды да үйрөнгөндүгүн айтты.

Этно лагердин негизинде 60 балага кой союп, жилик тартуунун эрежесин үйрөттүк. Андан тышкары, адамдын жаш курагына карата кимге кандай жилик тартыла турганын билип алышты. Бул тууралуу Жакшылык Матанов Sputnik Кыргызстан радиосунда маек куруп жатып билдирди.

Анын айтымында, аталган лагерь балдарга улуттук баалуулуктардын ыйык экенин түшүндүрүп, алар тууралуу кенен маалымат берген.

"Лагерде эс алган 60 бала аркан тартыш, кыз куумай, беш таш сыяктуу улуттук оюндарды ойноп, оюндун шарттары, деги эле ушундай оюндар бар экенинен кабардар боло алды. Балдар тээ илгери оюнчук жок кезде таш менен ушинтип ойношчу турбайбы деп таң калышты. Алардын тамак-ашы да улуттук болгондуктан өздөрү курут жасап, кургаганча жеп коюп жатышты (күлүп). Ошол эле маалда кыздар боорсок жасаса, балдар аны ташып, казанга от жагып берип жатты. Мындан сырткары, кой союп, кайсы жилик кимге тартыла тургандыгын үйрөнүштү", — деди Матанов.

Ал ошондой эле балдарга жаратылыш тууралуу да сабактар өтүлүп, "Манастын" 7 осуятында айтылгандай табият менен таттуу мамиледе болуу керектиги айтылгандыгын кошумчалады.

Тема боюнча

Откеев: "Карек" кино лагери келечектеги киночуларга жакшы мүмкүнчүлүк
Белгилер:
жаш балдар, лагерь, Жакшылык Матанов

ЭҢ МААНИЛҮҮ