15:55 21 Бугу 2019
Түз эфир
  • USD69.8500
  • EUR77.9212
  • RUB1.0831
Тынчтык инновациялары боюнча Булан институтунун Борбор Азия боюнча программасынын жетекчиси Чолпон Орозобекова. Архив
© Sputnik / Табылды Кадырбеков

Орозобекова: жаңы буйруктун негизинде айрым мугалимдер ишсиз калышы мүмкүн

Радио
Кыскача шилтеме алуу
84810

Тынчтык инновациялары боюнча Булан институтунун Борбор Азия боюнча программасынын жетекчиси Чолпон Орозобекова мугалимдердин айлыгы көбөйгөнү менен окуу сааттары чачыранды бөлүнүп келгендигин айтты.

Жаңы буйруктун негизинде көптөгөн мугалимдер ишсиз калышы мүмкүн. Министрлик "мугалимдердин маянасы көбөйөт" дегени менен аз саат окуткан мугалимдер жумуштан кетүүгө аргасыз болууда. Мындай пикирин Чолпон Орозобекова Sputnik Кыргызстан радиосуна билим берүү министринин мугалимдерге саат бөлүштүрүүдөгү босого жүктөмү боюнча буйругун талкуулап жатып билдирди.

Анын айтымында, бул буйруктун оң-терс жактары да бар.

"2011-жылы өкмөт мугалимдердин айлык маянасын төлөөдө киргизген жаңы системасынын чийкилигинен ушул көйгөй жаралууда. Ал токтомдо мурдагыдай толук стаж же жарым стаж болуп акча төлөнбөй, мугалим өткөн саатына карап маяна алат, бирок канча саат болушу керектиги көрсөтүлбөй калган. Анын негизинде мектеп директорлору иш сурап келген бардык мугалимдерди жумушка ала берген да, жыйынтыгында аз саат менен иштегендер пайда болгон. Айыл жеринде бала менен отурган же пенсия курагындагы мугалимдер үчүн бул өтө ыңгайлуу шарт болгон. Ошол эле учурда мектеп сааттарынын каалагандай бөлүнүшү бир чети туура эмес", — деди Орозобекова.

Ал мындай кыскартууларга жаш кадрлар дуушар болушаарын жана бул көйгөй айыл жергесинде көбүрөөк кездешээрин кошумчалады.

Эскерте кетчү жагдай, респонденттин пикири редакциянын көз карашына дал келбей калышы мүмкүн.

Тема боюнча

Булан институту: министрдин буйругу күздө айрым мугалимдерди жумушсуз калтырат
Булан институту: мугалимдердин айлыгы 3,7 эсе көбөйгөнү менен анча акча алышпайт
Белгилер:
билим берүү, мектеп, Чолпон Орозобекова

ЭҢ МААНИЛҮҮ