БИШКЕК, 14-авг. — Sputnik. Эмгек жана социалдык өнүгүү министрлиги Курман айтка байланыштуу 20-августка туш келген дүйшөмбүнү дем алыш күндөргө которуу тууралуу документ иштеп чыкканын Sputnik Кыргызстан агенттигине билдирди.
Буга чейин муфтият Курман айт 21-августта (шейшемби) белгиленерин маалымдаган.
"Иш күнү эки эс алчу күндүн ортосуна туш келгендиктен министрлик аны кийинки дем алышка которууну сунуштайт. Мында кыргызстандыктар төрт күн катары менен эс ала алат", — дешти мекемеден.
Министрлик документ азырынча өкмөткө макулдашууга жөнөтүлө электигин кошумчалады.
