https://sputnik.kg/20261008/mektepter-bulling-menen-kuroshuugo-mildettenet-1104164076.html
Депутат мектептерди буллинг менен күрөшүүгө милдеттендирүүнү сунуштады
Депутат мектептерди буллинг менен күрөшүүгө милдеттендирүүнү сунуштады
Sputnik Кыргызстан
БИШКЕК, 8-окт. — Sputnik. Мектептерде буллинг жана кибербуллингди аныктоо, токтотуу жана жабыркаган окуучуларды коргоо боюнча жаңы тартип киргизүү... 08.10.2026, Sputnik Кыргызстан
2026-10-08T11:48+0600
2026-10-08T11:48+0600
2026-10-08T11:48+0600
кыргызстан
жогорку кеңеш
буллинг
мыйзам
коомдук талкуу
мектеп
https://sputnik.kg/img/104564/53/1045645337_0:0:3077:1731_1920x0_80_0_0_1701699cdf4b770769f339a5121ebfe3.jpg
БИШКЕК, 8-окт. — Sputnik. Мектептерде буллинг жана кибербуллингди аныктоо, токтотуу жана жабыркаган окуучуларды коргоо боюнча жаңы тартип киргизүү сунушталууда. Жогорку Кеңештин депутаты Улан Примов демилгелеген мыйзам долбоору коомдук талкууга чыгарылды. Анда "Билим берүү жөнүндө" мыйзамга буллинг жана кибербуллинг түшүнүктөрүн киргизүү каралган. Буллинг деп окуучуга атайылап жана кайра-кайра психологиялык басым жасоо, денесине зыян келтирүү, ал эми кибербуллинг деп мындай аракеттерди интернет жана башка санариптик каражаттар аркылуу жасоо түшүндүрүлөт. Долбоорго ылайык, буллинг боюнча арыз түшсө мектеп аны ошол эле күнү каттап, кийинки иш күнүнө чейин баштапкы баалоо жүргүзүшү керек. Ишти беш жумуш күндүн ичинде карап чыгуу сунушталууда. Балдарды басым жасабай, коркутуп-үркүтпөй угуу, зарыл учурда психолог менен социалдык педагогду тартуу каралган. Эгер окуучунун өмүрүнө же ден соолугуна коркунуч болсо, мектеп тиешелүү учурда дарыгерлерге же милицияга кайрылууга тийиш. Ошондой эле жабыркаган баланы таарынткан тарап менен элдешүүгө мажбурлоого тыюу салынат. Элдешүү баланын коопсуздугу эске алынып, эки тараптын ыктыяры менен гана жүргүзүлүшү керек. Мындан тышкары, арыз берген окуучуну кысымдан жана өч алуудан коргоо, маалыматтын купуялуулугун сактоо жана мектептин чечимине макул болбогон учурда жогорку органга же сотко кайрылуу мүмкүнчүлүгү каралган. Мыйзам долбоору кабыл алынса, буллингге байланыштуу иштерди мектептер кандай тартипте карашы керектиги так аныкталат.
https://sputnik.kg/20260929/bullingge-zhoopkerchilik-kirgizuu-sunushtaldy-1103977632.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жогорку кеңеш, буллинг, мыйзам, коомдук талкуу, мектеп
кыргызстан, жогорку кеңеш, буллинг, мыйзам, коомдук талкуу, мектеп
БИШКЕК, 8-окт. — Sputnik. Мектептерде буллинг жана кибербуллингди аныктоо, токтотуу жана жабыркаган окуучуларды коргоо боюнча жаңы тартип киргизүү сунушталууда. Жогорку Кеңештин депутаты Улан Примов демилгелеген мыйзам долбоору коомдук талкууга чыгарылды.
Анда "Билим берүү жөнүндө" мыйзамга буллинг жана кибербуллинг түшүнүктөрүн киргизүү каралган. Буллинг деп окуучуга атайылап жана кайра-кайра психологиялык басым жасоо, денесине зыян келтирүү, ал эми кибербуллинг деп мындай аракеттерди интернет жана башка санариптик каражаттар аркылуу жасоо түшүндүрүлөт.
Долбоорго ылайык, буллинг боюнча арыз түшсө мектеп аны ошол эле күнү каттап, кийинки иш күнүнө чейин баштапкы баалоо жүргүзүшү керек. Ишти беш жумуш күндүн ичинде карап чыгуу сунушталууда.
Балдарды басым жасабай, коркутуп-үркүтпөй угуу, зарыл учурда психолог менен социалдык педагогду тартуу каралган. Эгер окуучунун өмүрүнө же ден соолугуна коркунуч болсо, мектеп тиешелүү учурда дарыгерлерге же милицияга кайрылууга тийиш.
Ошондой эле жабыркаган баланы таарынткан тарап менен элдешүүгө мажбурлоого тыюу салынат. Элдешүү баланын коопсуздугу эске алынып, эки тараптын ыктыяры менен гана жүргүзүлүшү керек.
Мындан тышкары, арыз берген окуучуну кысымдан жана өч алуудан коргоо, маалыматтын купуялуулугун сактоо жана мектептин чечимине макул болбогон учурда жогорку органга же сотко кайрылуу мүмкүнчүлүгү каралган.
Мыйзам долбоору кабыл алынса, буллингге байланыштуу иштерди мектептер кандай тартипте карашы керектиги так аныкталат.
