https://sputnik.kg/20261001/1104010714.html
Улуу муунга камкордук көрсөтүүгө багытталган бир айлык иш-чара уланууда
Улуу муунга камкордук көрсөтүүгө багытталган бир айлык иш-чара уланууда
Sputnik Кыргызстан
Өлкөдө Эл аралык карылар күнүнө карата улуу муунга социалдык жана моралдык колдоо көрсөтүүгө багытталган бир айлык иш-чара уланууда. Бул тууралуу “Спутниктен... 01.10.2026, Sputnik Кыргызстан
2026-10-01T11:04+0600
2026-10-01T11:04+0600
2026-10-01T11:16+0600
https://sputnik.kg/img/07ea/0a/01/1104010544_0:3:1036:586_1920x0_80_0_0_6d2065dec07156cde046ed3ac59d7ed2.jpg
Улуу муунга камкордук көрсөтүүгө багытталган бир айлык иш-чара уланууда
Sputnik Кыргызстан
Өлкөдө Эл аралык карылар күнүнө карата улуу муунга социалдык жана моралдык колдоо көрсөтүүгө багытталган бир айлык иш-чара уланууда. Бул тууралуу “Спутниктен сүйлөйбүз” уктуруусунда Эмгек министрлигинин мамлекеттик социалдык заказдар жана өнүктүрүү бөлүмүнүн башкы адиси Жазгүл Калмырзаева билдирди.Анын айтымында, иш-чаранын алкагында улгайган жарандарга юридикалык, социалдык жана медициналык жардамдар көрсөтүлүп, ар түрдүү маданий жана кайрымдуулук иш-чаралары уюштурулууда.“Кыргыз Республикасынын Өкмөтүнүн 2012-жылдын 10-апрелинде кабыл алынган токтомунун негизинде жыл сайын өлкөдө 1-октябрь — Эл аралык карылар күнүнө карата 15-сентябрдан 15-октябрга чейин бир айлык иш-чара өткөрүлүп келет. Анын негизги максаты — улуу муундун өкүлдөрүнө көңүл буруп, аларга социалдык жана моралдык колдоо көрсөтүү, камкордукка муктаж жарандарга көмөк берүү. Бул иш-чараларды уюштурууга өлкөдөгү министрликтер, мамлекеттик мекемелер жана жергиликтүү бийлик органдары активдүү катышууда. Бир айлыктын алкагында улуу муундун өкүлдөрүнө ар тараптуу жардамдар көрсөтүлүп, алардын көйгөйлөрүн чечүүгө багытталган бир катар иштер жүргүзүлөт. Тактап айтканда, улгайган жарандарга акысыз юридикалык жардам көрсөтүлүп, укуктук маселелер боюнча консультациялар берилет. Ошондой эле тиричилик кызматтары уюштурулуп, социалдык жактан аярлуу жана аз камсыз болгон жарандарга азык-түлүк, кийим-кече жана башка керектүү жардамдар тапшырылууда. Саламаттыкты сактоо мекемелеринде улгайган адамдардын ден соолугу текшерилип, кан басымы өлчөнүп, зарыл болгон учурда тиешелүү дары-дармектер берилет. Мындан тышкары, Бишкек шаарында “Жүрөктөн-жүрөккө” аттуу кайрымдуулук жарманкелери өткөрүлүп жатат. Анда улгайган адамдардын кол эмгектери, ар кандай буюм-тайымдары жана айыл чарба продукциялары көргөзмөгө коюлуп, сатыкка чыгарылат. Иш-чаранын жүрүшүндө кызыктыруучу лотереялар да уюштурулуп, катышуучулар үчүн жагымдуу маанай түзүлүүдө.Улуу муундун өкүлдөрүнүн активдүү эс алуусуна жана коомдук турмушка аралашуусуна шарт түзүү максатында Эркиндик бульварында шахмат сүйүүчүлөрүнүн турнири өткөрүлүүдө. Мындан сырткары, мектеп окуучулары жана студенттер менен улуу муундун өкүлдөрүнүн жолугушуулары уюштурулуп, муундар аралык байланышты чыңдоого өзгөчө көңүл бурулууда. Ошондой эле бир айлыктын алкагында маданий-көңүл ачуучу жана концерттик программалар уюштурулуп, улгайган жарандарга жагымдуу маанай тартуулоого багытталган иш-чаралар өткөрүлүп жатат”, — деди Калмырзаева.Ошондой эле ал министрлик тарабынан улуу муундун өкүлдөрүнө жардам көрсөтүү бир күндүк же бир айлык иш-чара менен гана чектелбей, жыл бою жүргүзүлүп келерин белгилеп, социалдык жардамга муктаж жарандарга колдоо көрсөтүү үчүн өлкөнүн бардык аймактарында социалдык кызматкерлер иш алып барышарын кошумчалады.
Өлкөдө Эл аралык карылар күнүнө карата улуу муунга социалдык жана моралдык колдоо көрсөтүүгө багытталган бир айлык иш-чара уланууда. Бул тууралуу “Спутниктен сүйлөйбүз” уктуруусунда Эмгек министрлигинин мамлекеттик социалдык заказдар жана өнүктүрүү бөлүмүнүн башкы адиси Жазгүл Калмырзаева билдирди.Анын айтымында, иш-чаранын алкагында улгайган жарандарга юридикалык, социалдык жана медициналык жардамдар көрсөтүлүп, ар түрдүү маданий жана кайрымдуулук иш-чаралары уюштурулууда.“Кыргыз Республикасынын Өкмөтүнүн 2012-жылдын 10-апрелинде кабыл алынган токтомунун негизинде жыл сайын өлкөдө 1-октябрь — Эл аралык карылар күнүнө карата 15-сентябрдан 15-октябрга чейин бир айлык иш-чара өткөрүлүп келет. Анын негизги максаты — улуу муундун өкүлдөрүнө көңүл буруп, аларга социалдык жана моралдык колдоо көрсөтүү, камкордукка муктаж жарандарга көмөк берүү. Бул иш-чараларды уюштурууга өлкөдөгү министрликтер, мамлекеттик мекемелер жана жергиликтүү бийлик органдары активдүү катышууда. Бир айлыктын алкагында улуу муундун өкүлдөрүнө ар тараптуу жардамдар көрсөтүлүп, алардын көйгөйлөрүн чечүүгө багытталган бир катар иштер жүргүзүлөт. Тактап айтканда, улгайган жарандарга акысыз юридикалык жардам көрсөтүлүп, укуктук маселелер боюнча консультациялар берилет. Ошондой эле тиричилик кызматтары уюштурулуп, социалдык жактан аярлуу жана аз камсыз болгон жарандарга азык-түлүк, кийим-кече жана башка керектүү жардамдар тапшырылууда. Саламаттыкты сактоо мекемелеринде улгайган адамдардын ден соолугу текшерилип, кан басымы өлчөнүп, зарыл болгон учурда тиешелүү дары-дармектер берилет. Мындан тышкары, Бишкек шаарында “Жүрөктөн-жүрөккө” аттуу кайрымдуулук жарманкелери өткөрүлүп жатат. Анда улгайган адамдардын кол эмгектери, ар кандай буюм-тайымдары жана айыл чарба продукциялары көргөзмөгө коюлуп, сатыкка чыгарылат. Иш-чаранын жүрүшүндө кызыктыруучу лотереялар да уюштурулуп, катышуучулар үчүн жагымдуу маанай түзүлүүдө.Улуу муундун өкүлдөрүнүн активдүү эс алуусуна жана коомдук турмушка аралашуусуна шарт түзүү максатында Эркиндик бульварында шахмат сүйүүчүлөрүнүн турнири өткөрүлүүдө. Мындан сырткары, мектеп окуучулары жана студенттер менен улуу муундун өкүлдөрүнүн жолугушуулары уюштурулуп, муундар аралык байланышты чыңдоого өзгөчө көңүл бурулууда. Ошондой эле бир айлыктын алкагында маданий-көңүл ачуучу жана концерттик программалар уюштурулуп, улгайган жарандарга жагымдуу маанай тартуулоого багытталган иш-чаралар өткөрүлүп жатат”, — деди Калмырзаева.Ошондой эле ал министрлик тарабынан улуу муундун өкүлдөрүнө жардам көрсөтүү бир күндүк же бир айлык иш-чара менен гана чектелбей, жыл бою жүргүзүлүп келерин белгилеп, социалдык жардамга муктаж жарандарга колдоо көрсөтүү үчүн өлкөнүн бардык аймактарында социалдык кызматкерлер иш алып барышарын кошумчалады.
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
аудио
Улуу муунга камкордук көрсөтүүгө багытталган бир айлык иш-чара уланууда
11:04 01.10.2026 (Жаңыртылды: 11:16 01.10.2026) Коноктор
Жазгүл Калмырзаева, Эмгек, социалдык камсыздоо жана миграция министрлигинин мамлекеттик социалдык заказдар жана өнүктүрүү бөлүмүнүн башкы адиси
Өлкөдө Эл аралык карылар күнүнө карата улуу муунга социалдык жана моралдык колдоо көрсөтүүгө багытталган бир айлык иш-чара уланууда. Бул тууралуу “Спутниктен сүйлөйбүз” уктуруусунда Эмгек министрлигинин мамлекеттик социалдык заказдар жана өнүктүрүү бөлүмүнүн башкы адиси Жазгүл Калмырзаева билдирди.Анын айтымында, иш-чаранын алкагында улгайган жарандарга юридикалык, социалдык жана медициналык жардамдар көрсөтүлүп, ар түрдүү маданий жана кайрымдуулук иш-чаралары уюштурулууда.“Кыргыз Республикасынын Өкмөтүнүн 2012-жылдын 10-апрелинде кабыл алынган токтомунун негизинде жыл сайын өлкөдө 1-октябрь — Эл аралык карылар күнүнө карата 15-сентябрдан 15-октябрга чейин бир айлык иш-чара өткөрүлүп келет. Анын негизги максаты — улуу муундун өкүлдөрүнө көңүл буруп, аларга социалдык жана моралдык колдоо көрсөтүү, камкордукка муктаж жарандарга көмөк берүү. Бул иш-чараларды уюштурууга өлкөдөгү министрликтер, мамлекеттик мекемелер жана жергиликтүү бийлик органдары активдүү катышууда. Бир айлыктын алкагында улуу муундун өкүлдөрүнө ар тараптуу жардамдар көрсөтүлүп, алардын көйгөйлөрүн чечүүгө багытталган бир катар иштер жүргүзүлөт. Тактап айтканда, улгайган жарандарга акысыз юридикалык жардам көрсөтүлүп, укуктук маселелер боюнча консультациялар берилет. Ошондой эле тиричилик кызматтары уюштурулуп, социалдык жактан аярлуу жана аз камсыз болгон жарандарга азык-түлүк, кийим-кече жана башка керектүү жардамдар тапшырылууда. Саламаттыкты сактоо мекемелеринде улгайган адамдардын ден соолугу текшерилип, кан басымы өлчөнүп, зарыл болгон учурда тиешелүү дары-дармектер берилет. Мындан тышкары, Бишкек шаарында “Жүрөктөн-жүрөккө” аттуу кайрымдуулук жарманкелери өткөрүлүп жатат. Анда улгайган адамдардын кол эмгектери, ар кандай буюм-тайымдары жана айыл чарба продукциялары көргөзмөгө коюлуп, сатыкка чыгарылат. Иш-чаранын жүрүшүндө кызыктыруучу лотереялар да уюштурулуп, катышуучулар үчүн жагымдуу маанай түзүлүүдө.Улуу муундун өкүлдөрүнүн активдүү эс алуусуна жана коомдук турмушка аралашуусуна шарт түзүү максатында Эркиндик бульварында шахмат сүйүүчүлөрүнүн турнири өткөрүлүүдө. Мындан сырткары, мектеп окуучулары жана студенттер менен улуу муундун өкүлдөрүнүн жолугушуулары уюштурулуп, муундар аралык байланышты чыңдоого өзгөчө көңүл бурулууда. Ошондой эле бир айлыктын алкагында маданий-көңүл ачуучу жана концерттик программалар уюштурулуп, улгайган жарандарга жагымдуу маанай тартуулоого багытталган иш-чаралар өткөрүлүп жатат”, — деди Калмырзаева.Ошондой эле ал министрлик тарабынан улуу муундун өкүлдөрүнө жардам көрсөтүү бир күндүк же бир айлык иш-чара менен гана чектелбей, жыл бою жүргүзүлүп келерин белгилеп, социалдык жардамга муктаж жарандарга колдоо көрсөтүү үчүн өлкөнүн бардык аймактарында социалдык кызматкерлер иш алып барышарын кошумчалады.
