https://sputnik.kg/20260527/zhaparov-eldi-kurman-ayt-menen-kuttuktady-1101538732.html
Бөлүнүп-жарылуудан сактасын! Жапаров элди Курман айт менен куттуктады
Бөлүнүп-жарылуудан сактасын! Жапаров элди Курман айт менен куттуктады
Sputnik Кыргызстан
БИШКЕК, 27-май — Sputnik. Президент Садыр Жапаров бүгүн, 27-майда, кыргызстандыктарды Курман айт майрамы менен куттуктады. 27.05.2026, Sputnik Кыргызстан
2026-05-27T07:32+0600
2026-05-27T07:32+0600
2026-05-27T09:32+0600
кыргызстан
курман айт майрамы
садыр жапаров
куттуктоо
каалоо
жакшылык
ыйман
https://sputnik.kg/img/07ea/03/13/1100313980_0:0:2560:1441_1920x0_80_0_0_36f25f357f80903a97ef57e63458910e.jpg
БИШКЕК, 27-май — Sputnik. Президент Садыр Жапаров бүгүн, 27-майда, кыргызстандыктарды Курман айт майрамы менен куттуктады. Мамлекет башчынын куттуктоосун толук жарыялайбыз. "Урматтуу мекендештер! Ардактуу момун мусулмандар! Бүгүн биз бүткүл ислам дүйнөсү менен бирге Курман айт майрамын зор кубаныч, терең руханий даярдык менен тосуп жатабыз. Баарыңыздарды бүгүнкү майрамыңыздар менен чын дилимден куттуктаймын! Курман айт – кылымдар бою ата-бабалардан калган диний жана улуттук руханий нарктарды, боорукердикти, кайрымдуулукту жана жоомарттыкты даңазалаган өзгөчө касиеттүү күн. Бул майрам адамзаттын дилинин тазалануусуна, кечиримдүүлүккө, кең пейилдүүлүккө жана ынтымакка чакырат. Бул күндөрү кудай жолуна чалынган курмандыктар, тиленген бата-тилектер коомубуздагы өз ара сый-урматты арттырып, коомдук биримдикти чыңдоого кызмат кылат. Биз – ынтымакты туу туткан, кыйынчылыкта бирге болгон улуу жана куттуу журтпуз. Биздин эң башкы байлыгыбыз – Ата Мекенибиздин тынчтыгы менен элибиздин ынтымагы. Ар бир үй-бүлөгө кут-береке, бейпилдик жана ынтымак-ырыс каалайм. Ата Журттан сырткары, алыс-жакында жүргөн бардык мекендештерибиздин, ошондой эле өлкөбүздөгү бардык мусулман бир туугандарыбыздын жүрөктөрүнө жылуулук, дилине тынчтык орносун. Ушул күндөрү Мекке шаарында ажылыкта жүргөн жарандарыбыздын аруу тилектери менен ажылыгы кабыл болсун. Жараткан кутман жергебизге ырыскы, береке, бейпилдик жана туруктуулук берсин. Элибизди бөөдө кырсыктан, бөлүнүп-жарылуудан сактасын! Кыргызстаныбызда ар дайым бакубатчылык орноп, ар бир коломтодо токчулук менен молчулук өкүм сүрсүн! Курман айт майрамыбыз маарек болсун!"
https://sputnik.kg/20260321/zhaparovdun-nooruzdagy-kuttuktoosu-1100347754.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, курман айт майрамы, садыр жапаров, куттуктоо, каалоо, жакшылык, ыйман
кыргызстан, курман айт майрамы, садыр жапаров, куттуктоо, каалоо, жакшылык, ыйман
БИШКЕК, 27-май — Sputnik. Президент Садыр Жапаров бүгүн, 27-майда, кыргызстандыктарды Курман айт майрамы менен куттуктады.
Мамлекет башчынын куттуктоосун толук жарыялайбыз.
"Урматтуу мекендештер! Ардактуу момун мусулмандар! Бүгүн биз бүткүл ислам дүйнөсү менен бирге Курман айт майрамын зор кубаныч, терең руханий даярдык менен тосуп жатабыз.
Баарыңыздарды бүгүнкү майрамыңыздар менен чын дилимден куттуктаймын!
Курман айт – кылымдар бою ата-бабалардан калган диний жана улуттук руханий нарктарды, боорукердикти, кайрымдуулукту жана жоомарттыкты даңазалаган өзгөчө касиеттүү күн. Бул майрам адамзаттын дилинин тазалануусуна, кечиримдүүлүккө, кең пейилдүүлүккө жана ынтымакка чакырат. Бул күндөрү кудай жолуна чалынган курмандыктар, тиленген бата-тилектер коомубуздагы өз ара сый-урматты арттырып, коомдук биримдикти чыңдоого кызмат кылат.
Биз – ынтымакты туу туткан, кыйынчылыкта бирге болгон улуу жана куттуу журтпуз. Биздин эң башкы байлыгыбыз – Ата Мекенибиздин тынчтыгы менен элибиздин ынтымагы.
Ар бир үй-бүлөгө кут-береке, бейпилдик жана ынтымак-ырыс каалайм. Ата Журттан сырткары, алыс-жакында жүргөн бардык мекендештерибиздин, ошондой эле өлкөбүздөгү бардык мусулман бир туугандарыбыздын жүрөктөрүнө жылуулук, дилине тынчтык орносун.
Ушул күндөрү Мекке шаарында ажылыкта жүргөн жарандарыбыздын аруу тилектери менен ажылыгы кабыл болсун.
Жараткан кутман жергебизге ырыскы, береке, бейпилдик жана туруктуулук берсин. Элибизди бөөдө кырсыктан, бөлүнүп-жарылуудан сактасын! Кыргызстаныбызда ар дайым бакубатчылык орноп, ар бир коломтодо токчулук менен молчулук өкүм сүрсүн!
Курман айт майрамыбыз маарек болсун!"
