Садыр Жапаровдун кайсы президенттер менен мамилеси жакшы экени айтылды
Жазылуу
БИШКЕК, 9-янв. — Sputnik. Президент Садыр Жапаров кайсы чет мамлекеттердин башчылары менен жакшы мамиледе экенин тышкы иштер министри Жээнбек Кулубаев айтып берди.
"Президент Владимир Путин, Шавкат Мирзиёев жана Касым-Жомарт Токаев менен абдан жакшы мамиледе. Чек ара чечилгенден бери Тажикстандын башчысы Эмомали Рахмон менен да байланыш жанданып, жакындашуу башталган. Мындан тышкары, Виктор Орбан (Венгриянын премьери — ред.) менен түз сүйлөшүп, тамашалашып жүрүшөт", — деген Жээнбек Кулубаев журналист Айбек Бийбосун уулунун даректүү тасмасында.
