https://sputnik.kg/20250705/rossiya-armeniya-samvel-karapetyan-ishker-chirkoo-sayasat-1095124190.html
Ереванда Карапетянды колдоп миңдеген адам жүрүшкө чыкты. Видео
Ереванда Карапетянды колдоп миңдеген адам жүрүшкө чыкты. Видео
Sputnik Кыргызстан
БИШКЕК, 5-июл. — Sputnik. 4-июль күнү Ереванда миңдеген адам камакка алынган ишкер Самвел Карапетянды колдоп жүрүшкө чыкты. Бул тууралуу РИА Новости агенттиги... 05.07.2025, Sputnik Кыргызстан
2025-07-05T14:09+0600
2025-07-05T14:09+0600
2025-07-05T14:18+0600
дүйнөдө
армения
ишкер
камак
бийлик
жүрүш
чиркөө
https://sputnik.kg/img/07e9/07/05/1095121881_0:136:2768:1693_1920x0_80_0_0_5ccd2923e3e5f3883ac9bc21b449e30e.jpg
БИШКЕК, 5-июл. — Sputnik. 4-июль күнү Ереванда миңдеген адам камакка алынган ишкер Самвел Карапетянды колдоп жүрүшкө чыкты. Бул тууралуу РИА Новости агенттиги жазды. Маалыматта белгиленгендей, ишкерди колдогон топ Маштоц проспектиндеги скверден баштап, Карапетян камалган Улуттук коопсуздук кызматынын имаратына чейин басышкан.Ишкердин камактан жазган катын жактоочусу Арам Вардеванян чогулгандарга окуп берген. Анда ал өзүнүн өлкөсү жана жери үчүн күрөшүүгө даяр экенин билдирип, элди биримдикке чакырган. Карапетян мыйзамсыз кармалганына карабастан миңдеген мекендештеринин колдоосунан улам өзүн жалгыз жана коомдон обочолонгондой сезбегенин билдирген. Ошондой эле жаңы күчтүн айланасында биригүүгө убакыт келди деген оюн кошумчалаган.Эл жүрүшкө ишкердин сүрөттөрүн жана “Самвел Карапетянга эркиндик” деп жазылган плакаттарды көтөрүп чыгышты.Окуянын хронологиясы:Самвел Карапетян — россиялык ишкер, "Ташир" компаниялар тобунун жетекчиси. Ал Армян-апостол чиркөөсүн Армениянын премьер-министри Никол Пашиняндын чиркөөгө каршы аракеттеринен коргоп, колдоп келет.Армениянын ИИМи 17-июнда Карапетяндын Еревандагы үйүнө анын тарапташтары менен үй-бүлөсүнө жакын адамдар топтолгон учурда ыкчам иш-аракеттер жүргүзүлгөнүн маалымдаган.Ал күнү 50дөн ашык адам кармалган, ал эми ишкер өзү үйүнөн чыгып полициянын унаасына отурган.Ереван соту 18-июнда Карапетянды бийликти кулатууга чакырык жасоого айыптап, эки айга камакка алуу чечимин чыгарган. Ал учурда тергөө абагында.Ишкердин кеңсесинин маалымат кызматы Карапетяндын жарандык позициясын бийликке коркунуч катары көрсөтүү башка пикирдегилерди коркутуу жана басмырлоого багытталган аракет деп белгилеген.Мындан тышкары, Пашинян Карапетянга таандык "Армения электр тармактары" ишканасын улутташтырууну талап кылган. Парламент биринчи окууда тиешелүү мыйзам долбоорун кабыл алган.Өз кезегинде "Ташир" компаниялар тобунун башчысы жана анын үй-бүлө мүчөлөрү бул маселе боюнча инвестициялык талаш-тартыштар башталганын бийликке билдиришкен. РФ президентинин маалымат катчысы Дмитрий Песков зарыл болсо Россия ишкерге жардам берүүгө даяр экенин айткан.
https://sputnik.kg/20250620/rossiya-karapetyan-zharadam-dayar-1094917856.html
армения
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, армения, ишкер, камак, бийлик, жүрүш, чиркөө
дүйнөдө, армения, ишкер, камак, бийлик, жүрүш, чиркөө
БИШКЕК, 5-июл. — Sputnik. 4-июль күнү Ереванда миңдеген адам камакка алынган ишкер Самвел Карапетянды колдоп жүрүшкө чыкты. Бул тууралуу
РИА Новости агенттиги жазды.
Маалыматта белгиленгендей, ишкерди колдогон топ Маштоц проспектиндеги скверден баштап, Карапетян камалган Улуттук коопсуздук кызматынын имаратына чейин басышкан.
Ишкердин камактан жазган катын жактоочусу Арам Вардеванян чогулгандарга окуп берген. Анда ал өзүнүн өлкөсү жана жери үчүн күрөшүүгө даяр экенин билдирип, элди биримдикке чакырган. Карапетян мыйзамсыз кармалганына карабастан миңдеген мекендештеринин колдоосунан улам өзүн жалгыз жана коомдон обочолонгондой сезбегенин билдирген. Ошондой эле жаңы күчтүн айланасында биригүүгө убакыт келди деген оюн кошумчалаган.
Эл жүрүшкө ишкердин сүрөттөрүн жана “Самвел Карапетянга эркиндик” деп жазылган плакаттарды көтөрүп чыгышты.
Самвел Карапетян — россиялык ишкер, "Ташир" компаниялар тобунун жетекчиси. Ал Армян-апостол чиркөөсүн Армениянын премьер-министри Никол Пашиняндын чиркөөгө каршы аракеттеринен коргоп, колдоп келет.
Армениянын ИИМи 17-июнда Карапетяндын Еревандагы үйүнө анын тарапташтары менен үй-бүлөсүнө жакын адамдар топтолгон учурда ыкчам иш-аракеттер жүргүзүлгөнүн маалымдаган.
Ал күнү 50дөн ашык адам кармалган, ал эми ишкер өзү үйүнөн чыгып полициянын унаасына отурган.
Ереван соту 18-июнда Карапетянды бийликти кулатууга чакырык жасоого айыптап, эки айга камакка алуу чечимин чыгарган. Ал учурда тергөө абагында.
Ишкердин кеңсесинин маалымат кызматы Карапетяндын жарандык позициясын бийликке коркунуч катары көрсөтүү башка пикирдегилерди коркутуу жана басмырлоого багытталган аракет деп белгилеген.
Мындан тышкары, Пашинян Карапетянга таандык "Армения электр тармактары" ишканасын улутташтырууну талап кылган. Парламент биринчи окууда тиешелүү мыйзам долбоорун кабыл алган.
Өз кезегинде "Ташир" компаниялар тобунун башчысы жана анын үй-бүлө мүчөлөрү бул маселе боюнча инвестициялык талаш-тартыштар башталганын бийликке билдиришкен. РФ президентинин маалымат катчысы Дмитрий Песков зарыл болсо Россия ишкерге жардам берүүгө даяр экенин айткан.
