"Россия өзүн туңгуюкка кептебейт". Лавровдун маегинин маанилүү учурлары
© Sputnik / Сергей Гунеев
/ Жазылуу
БИШКЕК, 15-апр. — Sputnik. Москва туңгуюкка кептелип калбашы үчүн АКШнын президенти Дональд Трамп менен кайсы маселелер боюнча макул болбош керектигин билет. Бул туурасында РФ ТИМ башчысы Сергей Лавров "Коммерсантъ" басылмасына берген интервьюсунда айтты.
"Азыр бизге Дональд Трамп айткандай "нормалдуу" келишимдерди сунушташканда, биз аны жакшы жагынан кабылдайбыз. Өз ара пайдалуу келишим кандай болорун жакшы түшүнөбүз, андайларды эч качан четке каккан эмеспиз. Ошол эле учурда дагы бир "тартып койгон тузакка" түртүшү мүмкүн болгон келишим кандай болорун да жакшы билебиз", — деген министр.
Лавров Трамптын тышкы саясаты АКШнын улуттук кызыкчылыктарын коргоого багытталгандыгын, бирок америкалык президент кызыкчылыктар төп келип калса башка өлкөлөр менен диалог курууга даяр экендигин билдирген. Дипломат мындай ыкманы прагматикалык деп баалап, кепке келгенге татыктуу нерсе деп кошумчалаган.
Ошол эле учурда ТИМ башчысы Москванын Вашингтон менен мамилеси калыбына келгенден кийин экономикалык, техникалык, аскердик жана башка тармактардагы көз карандылыкты кайталоого жол бербеши керектигин белгилеген.
"Бул сабак болду, ал эстен чыкпай турганына 100 пайыз ишенем", — деген ал.
Лавровдун башка билдирүүлөрү:
Киев бийлигинин 1991-жылдагы чек араларга кайтып келебиз дегени — жерлерди "кымбатыраак" соодалоого болгон кызыкчылыгы;
"Булар ыйык эч нерсеси калбаган соодагерлер";
Москва согушту жөнгө салууга байланыштуу Батыш менен ар кандай схемаларды талкуулоо учурунда Киевдин "чын дилден кылган мамилесин" текшерүүнү талап кылууда;
Европа Зеленскийдин ордуна "жаңы жарым фюрерди" тапкысы келип турат, ал "түрдүү заттарды азыраак пайдаланат" деген үмүт бар;
Россия эгер дүйнөдөгү стратегиялык абал өзгөрүп кетсе өзүнүн коргонуу жөндөмдүүлүгүн кантип камсыздоону жакшы билет;
Москва салынган санкцияларды токтотуп койгула деп ар кимдин артынан чуркабайт;
Россия менен АКШ сүйлөшүүлөрүндө Украинадагы абалды жөнгө салуу боюнча маанилүү параметрлерди толук макулдаша элек;
Москванын да, Вашингтондун да элчиликтердин ишин жана дипломаттарга виза берүүдөгү көйгөйлөрү чечүү боюнча кадамдарды жаңылоо, ишти мындан ары алып кетүү боюнча аракеттер бар.
"Эң негизгиси, эл аралык маселелердин көпчүлүгүндө (балким, басымдуу бөлүгүндө) пикир келишпестиктер жана улуттук кызыкчылыктардын дал келбегенине карабастан эки тарап тең иштөө боюнча ынтаасын билдирүүдө. Адамдар сылык-сыпаа болуп жолугуп, бири-бирин угушу керек. Азыр дал ушундай болуп жатат", — деген Лавров.
