https://sputnik.kg/20250204/1091835961.html
Жаңылыктар. Чыгарылыш 11:00
Жаңылыктар. Чыгарылыш 11:00
Sputnik Кыргызстан
Министрлер кабинетинин төрагасы Адылбек Касымалиев менен Россия өкмөтүнүн төрагасы Михаил Мишустин телефон аркылуу сүйлөштү. Бул тууралуу РФ өкмөтүнөн... 04.02.2025, Sputnik Кыргызстан
2025-02-04T11:00+0600
2025-02-04T11:00+0600
2025-02-04T11:10+0600
https://sputnik.kg/img/07e9/02/04/1091835829_0:3:1036:586_1920x0_80_0_0_032d16cc2cdb09ae5563cf7845e885f3.jpg
Жаңылыктар. Чыгарылыш 11:00
Sputnik Кыргызстан
Министрлер кабинетинин төрагасы Адылбек Касымалиев менен Россия өкмөтүнүн төрагасы Михаил Мишустин телефон аркылуу сүйлөштү. Бул тууралуу РФ өкмөтүнөн кабарлашты. Премьерлер эки тараптуу кызматташуунун актуалдуу маселелерин талкуулашкан. Алар 31-январда Алматыда өткөн Евразиялык өкмөттөр аралык кеңештин жыйынында жетишилген макулдашууларды өнүктүрүү максатында Россия менен Кыргызстандын соода-экономикалык байланыштарын бекемдөө боюнча пикир алышканы айтылды. Мишустин менен Касымалиев Россия менен Кыргызстандын өз ара кызыкчылыктарды камтыган бардык тармактар боюнча кызматташтыгын мындан ары да чыңдоо маанилүү экенин белгилешкен.
Кыргызстанда өткөн жылы өрттөн келтирилген чыгым 883 млн 259 миң 866 сомду түздү. Өзгөчө кырдаалдар министрлигинен билдиришкендей, 2024-жылдын 12 айында республика боюнча жалпысынан 3148 өрт кырсыгы катталган. Тилсиз жоонун кесепетинен 47 адам каза болсо, алардын жетөөсү жаш балдар. Жабыркаган адамдардын саны 27ни түзсө, алардын бири жаш бала болгон. Ал эми 2023-жылдын 12 айында өлкө боюнча 3498 өрт кырсыгы катталып, материалдык чыгым 1 млрд 410 млн 377 миң 891 сомго жеткен. Өрттүн кесепетинен 35 адам каза болгон.
2025-жылдын аягына чейин Бөкөмбаев – Барскоон унаа жолу 90%га бүткөрүлөт. билдирди. Бул тууралуу транспорт министри Абсатар Сыргабаев Ысык-Көл облусунун курултай делегаттары менен өткөн жыйында билдирди. «Бул жолду буга чейин бир гана подряддык уюм куруп келсе, быйыл подрядчиктердин саны көбөйөт. Натыйжада иштин ыргагы ыкчамдап, сапаты да жакшыртылат. Ошондой эле, Барскоон – Каракол жолунун курулушу да ушул жылы башталат», – деди министр.
АКШ президенти Дональд Трамп Эл аралык өнүктүрүү боюнча агенттиктин (USAID) ишмердүүлүгүн кайра карап чыгуу процессин баштаганын РИА Новости Мамлекеттик департаментке таянуу менен кабарлады. "Көзөмөлдөө укугуна ээ болуу жана агенттиктин ишин тереңирээк түшүнүү үчүн мамлекеттик катчы Марко Рубио USAID жетекчисинин милдетин аткарып турмай болду. Рубио уюмдун чет мамлекеттерге жардам көрсөтүү иши реорганизация максатында кайра каралып жатканын Конгресске билдирди", — деп айтылат маалыматта. Буга чейин CBS телеканалы өзүнүн маалымат булагына таянып, Ак үй башчысынын администрациясы USAID менен Мамлекеттик департаментти бириктирип, штатты кыскартарын кабарлаган. ЖМКлардын маалыматы боюнча, мында агенттик гуманитардык жардамга жооптуу структура боюнча кала бермек. Дүйшөмбү күнү Мамлекеттик башкаруунун майнаптуулугун арттыруу боюнча департаменттин жетекчиси Илон Маск Трамп USAID уюмун жабууга макул болгонун билдирген. Миллиардер агенттикти "кылмыштуу уюм" деп атап, "Американы жек көргөн радикалдык солчул марксистердин уюгу" деген. АКШнын президенти буга чейин структураны далай сындап, америкалык салык төлөөчүлөрдүн каражатын өлкө кызыкчылыгына жооп бербеген долбоорлорго жумшап жатканын айткан. Трамп кызматына киришери менен чет мамлекеттерге жардам көрсөтүү программасын 90 күнгө токтотуп, муну көрсөтүлүп жаткан көмөктүн АКШнын тышкы саясатына туура келер-келбесин талдоо зарылдыгы менен түшүндүргөн. Январдын соңунда Батыш ЖМКлары Трамптын администрациясы USAID уюмунун 60 кызматкерин өргүүгө жөнөткөнүн жазып чыгышты.
Министрлер кабинетинин төрагасы Адылбек Касымалиев менен Россия өкмөтүнүн төрагасы Михаил Мишустин телефон аркылуу сүйлөштү. Бул тууралуу РФ өкмөтүнөн кабарлашты. Премьерлер эки тараптуу кызматташуунун актуалдуу маселелерин талкуулашкан. Алар 31-январда Алматыда өткөн Евразиялык өкмөттөр аралык кеңештин жыйынында жетишилген макулдашууларды өнүктүрүү максатында Россия менен Кыргызстандын соода-экономикалык байланыштарын бекемдөө боюнча пикир алышканы айтылды. Мишустин менен Касымалиев Россия менен Кыргызстандын өз ара кызыкчылыктарды камтыган бардык тармактар боюнча кызматташтыгын мындан ары да чыңдоо маанилүү экенин белгилешкен.Кыргызстанда өткөн жылы өрттөн келтирилген чыгым 883 млн 259 миң 866 сомду түздү. Өзгөчө кырдаалдар министрлигинен билдиришкендей, 2024-жылдын 12 айында республика боюнча жалпысынан 3148 өрт кырсыгы катталган. Тилсиз жоонун кесепетинен 47 адам каза болсо, алардын жетөөсү жаш балдар. Жабыркаган адамдардын саны 27ни түзсө, алардын бири жаш бала болгон. Ал эми 2023-жылдын 12 айында өлкө боюнча 3498 өрт кырсыгы катталып, материалдык чыгым 1 млрд 410 млн 377 миң 891 сомго жеткен. Өрттүн кесепетинен 35 адам каза болгон.2025-жылдын аягына чейин Бөкөмбаев – Барскоон унаа жолу 90%га бүткөрүлөт. билдирди. Бул тууралуу транспорт министри Абсатар Сыргабаев Ысык-Көл облусунун курултай делегаттары менен өткөн жыйында билдирди. «Бул жолду буга чейин бир гана подряддык уюм куруп келсе, быйыл подрядчиктердин саны көбөйөт. Натыйжада иштин ыргагы ыкчамдап, сапаты да жакшыртылат. Ошондой эле, Барскоон – Каракол жолунун курулушу да ушул жылы башталат», – деди министр.АКШ президенти Дональд Трамп Эл аралык өнүктүрүү боюнча агенттиктин (USAID) ишмердүүлүгүн кайра карап чыгуу процессин баштаганын РИА Новости Мамлекеттик департаментке таянуу менен кабарлады. "Көзөмөлдөө укугуна ээ болуу жана агенттиктин ишин тереңирээк түшүнүү үчүн мамлекеттик катчы Марко Рубио USAID жетекчисинин милдетин аткарып турмай болду. Рубио уюмдун чет мамлекеттерге жардам көрсөтүү иши реорганизация максатында кайра каралып жатканын Конгресске билдирди", — деп айтылат маалыматта. Буга чейин CBS телеканалы өзүнүн маалымат булагына таянып, Ак үй башчысынын администрациясы USAID менен Мамлекеттик департаментти бириктирип, штатты кыскартарын кабарлаган. ЖМКлардын маалыматы боюнча, мында агенттик гуманитардык жардамга жооптуу структура боюнча кала бермек. Дүйшөмбү күнү Мамлекеттик башкаруунун майнаптуулугун арттыруу боюнча департаменттин жетекчиси Илон Маск Трамп USAID уюмун жабууга макул болгонун билдирген. Миллиардер агенттикти "кылмыштуу уюм" деп атап, "Американы жек көргөн радикалдык солчул марксистердин уюгу" деген. АКШнын президенти буга чейин структураны далай сындап, америкалык салык төлөөчүлөрдүн каражатын өлкө кызыкчылыгына жооп бербеген долбоорлорго жумшап жатканын айткан. Трамп кызматына киришери менен чет мамлекеттерге жардам көрсөтүү программасын 90 күнгө токтотуп, муну көрсөтүлүп жаткан көмөктүн АКШнын тышкы саясатына туура келер-келбесин талдоо зарылдыгы менен түшүндүргөн. Январдын соңунда Батыш ЖМКлары Трамптын администрациясы USAID уюмунун 60 кызматкерин өргүүгө жөнөткөнүн жазып чыгышты.
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
аудио
Министрлер кабинетинин төрагасы Адылбек Касымалиев менен Россия өкмөтүнүн төрагасы Михаил Мишустин телефон аркылуу сүйлөштү. Бул тууралуу РФ өкмөтүнөн кабарлашты. Премьерлер эки тараптуу кызматташуунун актуалдуу маселелерин талкуулашкан. Алар 31-январда Алматыда өткөн Евразиялык өкмөттөр аралык кеңештин жыйынында жетишилген макулдашууларды өнүктүрүү максатында Россия менен Кыргызстандын соода-экономикалык байланыштарын бекемдөө боюнча пикир алышканы айтылды. Мишустин менен Касымалиев Россия менен Кыргызстандын өз ара кызыкчылыктарды камтыган бардык тармактар боюнча кызматташтыгын мындан ары да чыңдоо маанилүү экенин белгилешкен.
Кыргызстанда өткөн жылы өрттөн келтирилген чыгым 883 млн 259 миң 866 сомду түздү. Өзгөчө кырдаалдар министрлигинен билдиришкендей, 2024-жылдын 12 айында республика боюнча жалпысынан 3148 өрт кырсыгы катталган. Тилсиз жоонун кесепетинен 47 адам каза болсо, алардын жетөөсү жаш балдар. Жабыркаган адамдардын саны 27ни түзсө, алардын бири жаш бала болгон. Ал эми 2023-жылдын 12 айында өлкө боюнча 3498 өрт кырсыгы катталып, материалдык чыгым 1 млрд 410 млн 377 миң 891 сомго жеткен. Өрттүн кесепетинен 35 адам каза болгон.
2025-жылдын аягына чейин Бөкөмбаев – Барскоон унаа жолу 90%га бүткөрүлөт. билдирди. Бул тууралуу транспорт министри Абсатар Сыргабаев Ысык-Көл облусунун курултай делегаттары менен өткөн жыйында билдирди. «Бул жолду буга чейин бир гана подряддык уюм куруп келсе, быйыл подрядчиктердин саны көбөйөт. Натыйжада иштин ыргагы ыкчамдап, сапаты да жакшыртылат. Ошондой эле, Барскоон – Каракол жолунун курулушу да ушул жылы башталат», – деди министр.
АКШ президенти Дональд Трамп Эл аралык өнүктүрүү боюнча агенттиктин (USAID) ишмердүүлүгүн кайра карап чыгуу процессин баштаганын РИА Новости Мамлекеттик департаментке таянуу менен кабарлады. "Көзөмөлдөө укугуна ээ болуу жана агенттиктин ишин тереңирээк түшүнүү үчүн мамлекеттик катчы Марко Рубио USAID жетекчисинин милдетин аткарып турмай болду. Рубио уюмдун чет мамлекеттерге жардам көрсөтүү иши реорганизация максатында кайра каралып жатканын Конгресске билдирди", — деп айтылат маалыматта. Буга чейин CBS телеканалы өзүнүн маалымат булагына таянып, Ак үй башчысынын администрациясы USAID менен Мамлекеттик департаментти бириктирип, штатты кыскартарын кабарлаган. ЖМКлардын маалыматы боюнча, мында агенттик гуманитардык жардамга жооптуу структура боюнча кала бермек. Дүйшөмбү күнү Мамлекеттик башкаруунун майнаптуулугун арттыруу боюнча департаменттин жетекчиси Илон Маск Трамп USAID уюмун жабууга макул болгонун билдирген. Миллиардер агенттикти "кылмыштуу уюм" деп атап, "Американы жек көргөн радикалдык солчул марксистердин уюгу" деген. АКШнын президенти буга чейин структураны далай сындап, америкалык салык төлөөчүлөрдүн каражатын өлкө кызыкчылыгына жооп бербеген долбоорлорго жумшап жатканын айткан. Трамп кызматына киришери менен чет мамлекеттерге жардам көрсөтүү программасын 90 күнгө токтотуп, муну көрсөтүлүп жаткан көмөктүн АКШнын тышкы саясатына туура келер-келбесин талдоо зарылдыгы менен түшүндүргөн. Январдын соңунда Батыш ЖМКлары Трамптын администрациясы USAID уюмунун 60 кызматкерин өргүүгө жөнөткөнүн жазып чыгышты.
