https://sputnik.kg/20241011/sadyr-zhaparov-bishkektik-kayryluu-koomduk-transport-1089398867.html
Жол кирени карта менен төлөгүлө! Садыр Жапаров бишкектиктерге нааразы болду
Жол кирени карта менен төлөгүлө! Садыр Жапаров бишкектиктерге нааразы болду
Sputnik Кыргызстан
Өлкө башчы накталай төлөөнүн дагы бир жаман жери айдоочуга тоскоолдук жаратып, жол кырсыкка кабылуу тобокелдигин жогорулатып жатканын белгиледи. 11.10.2024, Sputnik Кыргызстан
2024-10-11T16:24+0600
2024-10-11T16:24+0600
2024-10-12T11:01+0600
кыргызстан
бишкек
садыр жапаров
автобус
коомдук транспорт
жол кире
https://sputnik.kg/img/07e8/04/1d/1084702053_0:179:3002:1868_1920x0_80_0_0_aabdba070a92b34d2c071ab5d5325046.jpg
БИШКЕК, 11-окт. — Sputnik. Президент Садыр Жапаров өзүнүн соцтармактагы баракчасы аркылуу Бишкек шаарынын тургундарын коомдук транспортто жүрүүдө жол кирени "Тулпар" же башка карта менен төлөөгө чакырды.Эске салсак, буга чейин Бишкек мэриясы накталай төлөмдөр үчүн жол кирени көтөрүүнү пландап жатканы кабарланган. Максаты — калкты электрондук жол кире төлөм системасын колдонууга кызыктыруу. https://sputnik.kg/20241008/bishkek-zhol-kire-kotoruu-1089310157.html Бирок айрым жарандар накталай жол киренин кымбатташына нааразы пикирлерин жазышкан.Өлкө башчы шаардыктар карта менен төлөөгө өтпөсө мэрия накталай жол кирени көтөрүүгө аргасыз болорун белгиледи.Ал ошондой эле накталай төлөөнүн дагы бир жаман жери айдоочуга тоскоолдук жаратып, жол кырсыкка кабылуу тобокелдигин жогорулатып жатканын белгиледи."Айдоочу ар нерсеге алагды болбой сак болуп, жолду гана карашы керек. Мэрия бул маселени чечүү үчүн накталай төлөмдү көтөрүү сунушун коомдук талкууга койду", — деди Жапаров.Өлкө башчы "Тулпар" карталарын О!, Megacom, Beeline уюлдук операторлорунун кеңселеринен, "Кыргыз почтасынын" филиалдарынан, "Тулпар" тейлөө борборлорунан, ошондой эле троллейбус менен автобустун айдоочуларынан сатып алса болорун эскертти.Президент накталай төлөм улана берсе мэрия анын баасын айласыз көтөрө турганын белгиледи.
https://sputnik.kg/20241011/zhol-kire-avtobus-plan-1089390005.html
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, бишкек, садыр жапаров, автобус, коомдук транспорт, жол кире
кыргызстан, бишкек, садыр жапаров, автобус, коомдук транспорт, жол кире
Жол кирени карта менен төлөгүлө! Садыр Жапаров бишкектиктерге нааразы болду
16:24 11.10.2024 (Жаңыртылды: 11:01 12.10.2024) Өлкө башчы накталай төлөөнүн дагы бир жаман жери айдоочуга тоскоолдук жаратып, жол кырсыкка кабылуу тобокелдигин жогорулатып жатканын белгиледи.
БИШКЕК, 11-окт. — Sputnik. Президент Садыр Жапаров өзүнүн соцтармактагы баракчасы аркылуу Бишкек шаарынын тургундарын коомдук транспортто жүрүүдө жол кирени "Тулпар" же башка карта менен төлөөгө чакырды.
Эске салсак, буга чейин Бишкек мэриясы накталай төлөмдөр үчүн жол кирени көтөрүүнү пландап жатканы кабарланган. Максаты — калкты электрондук жол кире төлөм системасын колдонууга кызыктыруу. https://sputnik.kg/20241008/bishkek-zhol-kire-kotoruu-1089310157.html Бирок айрым жарандар накталай жол киренин кымбатташына нааразы пикирлерин жазышкан.
Өлкө башчы шаардыктар карта менен төлөөгө өтпөсө мэрия накталай жол кирени көтөрүүгө аргасыз болорун белгиледи.
"Урматтуу Бишкек шаарынын тургундары! Карточка алып коюу ушунчалык оорбу силерге? "Тулпар" же башка карта менен төлөгөндөргө жол кире көтөрүлбөйт. 17 сом бойдон калат. Накталай төлөмдөр канча түшүп жатканын эч ким билбейт. Ток этер жерин айтканда, айдоочунун чөнтөгүнө кетет. Ошондуктан ар бир шаардык жаран карта алгыла да, 17 сомдон төлөгүлө. Ушундай жол менен болсо да уурулукту, коррупцияны жок кылганга жардам берсеңиздер болбойбу? Накталай эмес төлөгөндө гана акчанын баары автобазанын эсебине түшүп автобустарды тейлөө, оңдоо иштерине жумшалат", — деди президент.
Ал ошондой эле накталай төлөөнүн дагы бир жаман жери айдоочуга тоскоолдук жаратып, жол кырсыкка кабылуу тобокелдигин жогорулатып жатканын белгиледи.
"Айдоочу ар нерсеге алагды болбой сак болуп, жолду гана карашы керек. Мэрия бул маселени чечүү үчүн накталай төлөмдү көтөрүү сунушун коомдук талкууга койду", — деди Жапаров.
Өлкө башчы "Тулпар" карталарын О!, Megacom, Beeline уюлдук операторлорунун кеңселеринен, "Кыргыз почтасынын" филиалдарынан, "Тулпар" тейлөө борборлорунан, ошондой эле троллейбус менен автобустун айдоочуларынан сатып алса болорун эскертти.
"Эгерде жүргүнчү накталай эмес төлөп 1,5 саат ичинде эки-үч жолу коомдук транспорт алмаштырса, анда бир эле жолу жол кире төлөө механизми да иштелип жатат. Ошондуктан тез арада карточка алгыла", — деди Жапаров.
Президент накталай төлөм улана берсе мэрия анын баасын айласыз көтөрө турганын белгиледи.
