https://sputnik.kg/20230311/rezhisser-marat-sarulugu-arnalgan-nekrolog-1073503275.html
Ааламды аңтарган социалдык темаларды ачкан. Режиссёр Марат Сарулуга арналган некролог
Ааламды аңтарган социалдык темаларды ачкан. Режиссёр Марат Сарулуга арналган некролог
Sputnik Кыргызстан
Режиссёрдун бир катар эмгектери республикалык жана эл аралык деңгээлдеги сынактарда жогору бааланган. 11.03.2023, Sputnik Кыргызстан
2023-03-11T11:02+0600
2023-03-11T11:02+0600
2023-03-11T11:05+0600
марат сарулу
режиссер
кино
некролог
https://sputnik.kg/img/07e7/03/09/1073465981_0:4:830:471_1920x0_80_0_0_73744f6e6587518d2b779791d6f356e3.jpg
БИШКЕК, 11-мар. — Sputnik. Кыргыз коомчулугу жана кино өнөрү орду толгус жоготууга учурады. 9-мартта 65 жаш курагында КРдин эл артисти, кинорежиссёр жана сценарист Марат Сарулу дүйнө салды. Бул тууралуу президенттин маалымат кызматы тараткан некрологдо айтылат.Марат Сарулу 1957-жылы 26-сентябрда Талас шаарында туулган. 1980-жылы Кыргыз мамлекеттик университетинин филология факультетин, ал эми 1984-жылы Москва шаарындагы Режиссёрлордун жана сценаристтердин жогорку курсун аяктаган. Ф. Хитруктун өнөрканасында билим алган.Марат Сарулу кино тармагында режиссёр жана сценарист катары белгилүү эле. Анын режиссёр катары толук метраждуу "Миң кыял", "Көч", "Песнь южных морей", "Бурная река, безмятежное море", "Алтын кыргоол", кыска метраждуу "Мандала", "Взлёт", "Соль", даректүү "Имаго" жана анимациялык "Моление о Пречистой птице" тасмалары кыргыз журтчулугуна жана көрүүчүлөргө белгилүү болгон. Режиссёрдун бир катар эмгектери республикалык жана эл аралык деңгээлдеги сынактарда жогору бааланган.Анын тасмага берген режиссёрдук боёгу эл аралык кинофестивалдарга жолдомо берип, 2002-жылы "Эргүү" тасмасы Анапада өткөн фестивалда баш байгеге, 2004-жылы Италиянын Тренто шаарында өткөн эл аралык 52-кинофестивалда "Күмүш эдельвейс" сыйлыгына ээ болгон.2002-жылы Франциянын Нант жана Везуль шаарларында өткөн эл аралык кинофестивалдарында баш байгеге ээ болуп, атайын сыйлык жана дипломдор менен сыйланган. Ал эми сценарист катары "Маңкурт", "Найман эне", "Беш кемпир" толук метраждуу тасмаларынын сценарийлерин жазууда авторлош болгон.Соңку жылдары Марат Сарулу Бүбүсара Бейшеналиева атындагы Кыргыз мамлекеттик маданият жана искусство университетинде Кино кафедрасынын жаш кинематографисттерине билим берип, келечектеги кино тармагына аралаша турган адистерди даярдоого салым кошуп жаткан.Мамлекет тарабынан Марат Сарулунун кыргыз киноиндустриясына кошкон салымы жогору бааланып, КРдин эл артисти, Токтогул атындагы мамлекеттик сыйлыктын лауреаты, КРдин искусствосуна эмгек сиңирген ишмер наамдары менен сыйлаган. Өлкөнүн Кинематографисттер союзунун, КМШ жана Балтика өлкөлөрүнүн кинематографисттер союздарынын конфедерациясынын мүчөсү болгон.
https://sputnik.kg/20230308/kyrgyzstan-teatr-ishmerleri-zalkarlar-taberik-surot-1073423582.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
марат сарулу, режиссер, кино, некролог
марат сарулу, режиссер, кино, некролог
Ааламды аңтарган социалдык темаларды ачкан. Режиссёр Марат Сарулуга арналган некролог
11:02 11.03.2023 (Жаңыртылды: 11:05 11.03.2023) Режиссёрдун бир катар эмгектери республикалык жана эл аралык деңгээлдеги сынактарда жогору бааланган.
БИШКЕК, 11-мар. — Sputnik. Кыргыз коомчулугу жана кино өнөрү орду толгус жоготууга учурады. 9-мартта 65 жаш курагында КРдин эл артисти, кинорежиссёр жана сценарист Марат Сарулу
дүйнө салды. Бул тууралуу президенттин маалымат кызматы тараткан некрологдо айтылат.
"Марат Сарулу мыкты сүрөткер, кесипкөй жана дүйнө таанымы башка режиссёрлордон айырмаланып турган режиссёр катары эсибизде калды. Ал өзүнүн жөнөкөйлүгү жана жогорку интеллекти менен башкалардан айырмалана алды. Ал тарткан тасмалар чакан аудиторияга арналбастан, дүйнө коомчулугу ойлоно турган темаларды козгоп, жаңыланууну издеп, бир эле кадр менен жөнөкөй адамдын үнү аркылуу ааламды аңтарган социалдык темаларды ачкандыгы, дүйнөлүк мыкты фестивалдарда "А" класстагы тасмалардын катарына киргендиги болду", — деп жазылган некрологдо.
Марат Сарулу 1957-жылы 26-сентябрда Талас шаарында туулган. 1980-жылы Кыргыз мамлекеттик университетинин филология факультетин, ал эми 1984-жылы Москва шаарындагы Режиссёрлордун жана сценаристтердин жогорку курсун аяктаган. Ф. Хитруктун өнөрканасында билим алган.
Марат Сарулу кино тармагында режиссёр жана сценарист катары белгилүү эле. Анын режиссёр катары толук метраждуу "Миң кыял", "Көч", "Песнь южных морей", "Бурная река, безмятежное море", "Алтын кыргоол", кыска метраждуу "Мандала", "Взлёт", "Соль", даректүү "Имаго" жана анимациялык "Моление о Пречистой птице" тасмалары кыргыз журтчулугуна жана көрүүчүлөргө белгилүү болгон. Режиссёрдун бир катар эмгектери республикалык жана эл аралык деңгээлдеги сынактарда жогору бааланган.
Анын тасмага берген режиссёрдук боёгу эл аралык кинофестивалдарга жолдомо берип, 2002-жылы "Эргүү" тасмасы Анапада өткөн фестивалда баш байгеге, 2004-жылы Италиянын Тренто шаарында өткөн эл аралык 52-кинофестивалда "Күмүш эдельвейс" сыйлыгына ээ болгон.
2002-жылы Франциянын Нант жана Везуль шаарларында өткөн эл аралык кинофестивалдарында баш байгеге ээ болуп, атайын сыйлык жана дипломдор менен сыйланган. Ал эми сценарист катары "Маңкурт", "Найман эне", "Беш кемпир" толук метраждуу тасмаларынын сценарийлерин жазууда авторлош болгон.
Соңку жылдары Марат Сарулу Бүбүсара Бейшеналиева атындагы Кыргыз мамлекеттик маданият жана искусство университетинде Кино кафедрасынын жаш кинематографисттерине билим берип, келечектеги кино тармагына аралаша турган адистерди даярдоого салым кошуп жаткан.
Мамлекет тарабынан Марат Сарулунун кыргыз киноиндустриясына кошкон салымы жогору бааланып, КРдин эл артисти, Токтогул атындагы мамлекеттик сыйлыктын лауреаты, КРдин искусствосуна эмгек сиңирген ишмер наамдары менен сыйлаган. Өлкөнүн Кинематографисттер союзунун, КМШ жана Балтика өлкөлөрүнүн кинематографисттер союздарынын конфедерациясынын мүчөсү болгон.
8 Жалган Куран 2023, 20:02
