Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

РФ Чалгын кызматы: Батыш Украинага берчү куралдын көлөмүн көбөйтүүдө

© Пресс-служба Государственной Думы РФ / Медиабанкка өтүүРоссиянын Тышкы чалгын кызматынын директору Сергей Нарышкин. Архив
Россиянын Тышкы чалгын кызматынын директору Сергей Нарышкин. Архив - Sputnik Кыргызстан, 1920, 01.02.2023
Жазылуу
Владимир Путин Украинага берилген ар бир курал Россия үчүн мыйзамдуу бута болорун айтып келет.
БИШКЕК, 1-фев. — Sputnik. Батыш Киев режимине делген чабуул койчу куралдарынын көлөмүн жана номенклатурасын кеңейтүүдө. Бул АКШ жана анын союздаштарынын Россия менен акыркы украиналыкка чейин күрөшүү ниетине байланыштуу. Бул тууралуу РИА Новостиге Россиянын Тышкы чалгын кызматынын директору Сергей Нарышкин айтты.
"Биз, албетте, Киевдин режимине берилген аскердик техниканын, анын ичинде сокку уруучу куралдардын көлөмүнүн да, номенклатурасынын да кеңейгенин белгилеп жатабыз. Бул АКШ жана анын шериктештери Россия менен акыркы украиналыкка чейин согушууга ниеттенип жаткандыгынан кабар берет", — деди Нарышкин.
Өткөн аптада Германия өкмөтү узак талкуудан кийин Украинага Leopard 2 танкаларын өткөрүп берүүгө макул болду. Эки батальон түзүү пландаштырылууда, биринчи этапта бундесвердин резервинен 14 унаадан турган рота жөнөтүлөт. Германиянын коргоо министри Борис Писториустун айтымында, танкалар Украинага марттын аягында келиши мүмкүн.
Ошол эле учурда АКШнын президенти Жо Байден Киевге отуз чакты Abrams берүүнү убада кылды. Ак үй кийинчерээк бул бир нече айга, балким, жылдын аягына чейин созулушу мүмкүн экенин тактады.
Россия Батыш тараптын Украинаны куралдандыруусу орус-украин сүйлөшүүлөрүнө өбөлгө боло албашын жана мындан негативдүү жыйынтык чыгышы мүмкүн экендигин, Украинага берилген ар бир курал Россия үчүн мыйзамдуу бута болорун айтып келет.
Израилдин асманында ракетанын издери көрүнүп турат. Архив - Sputnik Кыргызстан, 1920, 31.01.2023
ЖМК: Израиль дрондордун чабуулунан кийин Ирандын кайтарчу жообуна даярданууда
Жаңылыктар түрмөгү
0