Энергетика министри Ибраев жарык график менен өчүрүлүп жатканын моюндады

© Фото / пресс-служба Жогорку КенешаЭнергетика министри Таалайбек Ибраев. Архив
Энергетика министри Таалайбек Ибраев. Архив - Sputnik Кыргызстан, 1920, 19.01.2023
Жазылуу
НовостиTelegram
Министрдин айтымында, кечинде электр тогу нормадан 450-480 мегаваттка ашык колдонулуп жатат.
БИШКЕК, 19-янв. — Sputnik. Энергетика министри Таалайбек Ибраев Кыргызстанда электр энергиясы график менен өчүрүлүп жатканын моюндады.
Анын айтымында, саат 17:00дөн 24:00гө чейин нормадан 450-480 мегаваттка ашык колдонулуп жатат.
"Кечинде электр энергиясын колдонуу жогорку чекке жеткенине жана генерациялоочу кубаттуулуктун жетишпегенине байланыштуу бир саатка өчүрүлүп жатат. Биз бир эле аймакты алты-жети саат жарыксыз калтырган жокпуз. Бир сааттан ашык эмес убакытка гана токтотуп, кийин башка линияны өчүрүп жатабыз. Мындай иштер кезек-кезеги менен жасалууда", — деди Ибраев.
Ошондой эле министр электр тогу көп колдонулуп жаткан аймактарды аныктап бүтүп, кечээ өчүрүүлөрдүн графиги жарыяланганын билдирди. Ал график энергетикалык мекемелердин сайттарына чыгып, жергиликтүү бийликке дагы берилгенин кошумчалады.
Жумушчулар жогорку чыңалуудагы электр линияларын оңдоп жатышат. Архив - Sputnik Кыргызстан, 1920, 18.01.2023
Электр энергиясы качан өчүрүлөрүн элге алдын ала айтып турушат
Жаңылыктар түрмөгү
0