Кыргызстанда салык боюнча биринчи ирет улуттук форум өтөт

© Пресс-служба президента КР / Султан ДосалиевСалык кызматкерлеринин күнүнө арналган салтанаттуу иш-чара. Архив
Салык кызматкерлеринин күнүнө арналган салтанаттуу иш-чара. Архив - Sputnik Кыргызстан, 1920, 15.11.2022
Жазылуу
Форумдун катышуучулары калктын салыктык сабаттуулугун жана салык маданиятын жогорулатуу боюнча сунуштарды биргелешип иштеп чыгышат.
БИШКЕК, 15-ноя. — Sputnik. Борбор калаада "Салык кызматы салык төлөөчүнүн кызыкчылыгы үчүн" деп аталган I улуттук форум өтөт. Бул тууралуу Cалык боюнча мамлекеттик кызматтан маалымдады.
16-ноябрда боло турган иш-чарага мамлекеттик органдардын, бизнес-коомчулуктун, эл аралык уюмдардын, билим берүү мекемелеринин өкүлдөрү жана кызыкдар болгон бардык салык төлөөчүлөр катышмакчы.
"Форумдун катышуучулары актуалдуу маселелерди талкуулап, салык саясатын өркүндөтүү, калктын салыктык сабаттуулугун жана салык маданиятын жогорулатуу боюнча сунуштарды биргелешип иштеп чыгышат. Алсак, жаңы Салык кодексинин ишкерлер арасында активдүү талкууга коюлуп келген ченемдери, анын жоболорунун иш жүзүндө колдонулушу каралат. Мындан тышкары, "СМАРТ Салым" салык жол-жоболорун санариптештирүү долбоорлорун ишке ашыруу, салык төлөөчүлөрдү тейлөөнүн сапатын жакшыртуу жолдору талкууланат", — деп билдирди ведомстводон.
Форумду президенттик администрация менен Cалык боюнча мамлекеттик кызматы уюштурууда.
Салык кызматы ишкерлерге кассаны көзөмөлдөөчү жаңы муундагы гибриддик 10 миң машинаны акысыз берүүгө киришти - Sputnik Кыргызстан, 1920, 03.11.2022
Салык кызматы: ишкерлерге гибриддик 10 миң ККМ акысыз таратыла баштады
Жаңылыктар түрмөгү
0