2 370 адам КР жарандыгын алды. Президент кол койгон жарлыктар

© Sputnik / Жоомарт УраимовКыргызстан паспорттору. Архив
Кыргызстан паспорттору. Архив - Sputnik Кыргызстан, 1920, 11.11.2022
Жазылуу
Жарандык алгандардын көбү этникалык кыргыздар.
БИШКЕК, 11-ноя. — Sputnik. Мамлекет башчы Садыр Жапаров Кыргызстандын жарандыгына кабыл алуу жана Кыргызстандын жарандыгынан чыгуу жөнүндө жарлыктарга кол койгонун президенттин маалымат кызматы билдирди.
Ага ылайык, мамлекет башчы кол койгон жарлыктардын ичинде 2 370 адамды (анын ичинен 1871и чоңдор, 499у балдар) Кыргызстандын жарандыгына кабыл алуу жөнүндө беш документ бар. Жарандык алгандардын көбү тарыхый мекенине кайтып келген этникалык кыргыздар.
Президенттин жарлыгы менен 360 адам (анын ичинен 277си чоңдор жана 83ү балдар) Кыргызстандын жарандыгынан чыгарылган. Жалпы 2 730 адамга өтүнүч келтирилгени айтылды.
Бишкектеги аялдамада турган адамдар. Архив - Sputnik Кыргызстан, 1920, 11.11.2022
Өлкөдө акыркы 8 жыл ичинде жаштардын өлүмү азайды
Жаңылыктар түрмөгү
0