Мамлекеттик дачада киши колдуу болгон. Султан Ибраимовдун сүрөттөгү ирмемдери
Мамлекеттик дачада киши колдуу болгон. Султан Ибраимовдун сүрөттөгү ирмемдери
Sputnik Кыргызстан
Быйыл көрүнүктүү мамлекеттик жана коомдук ишмер Султан Ибраимовдун 95 жылдыгы белгиленүүдө. Sputnik Кыргызстан агенттиги кыргыздын камчыга сап уулунун... 23.10.2022, Sputnik Кыргызстан
Султан Ибраимов 1927-жылы 20-сентябрда Чүй районунун Алчалуу айылында жарык дүйнөгө келген. Мектептеги кезинде согуш башталып, өзү теңдүүлөр менен таалада трактор айдап, колхоздо иштеп жетилген. Тынч жашоо кайтканда Фрунзедеги Гидромелиорация техникумуна тапшырып, аны 1949-жылы кызыл диплом менен бүтүргөн. 1952-54-жылдары Ташкенттеги Ирригация жана айыл чарбасын механизациялоо инженердик институтунан билим алып кайткан соң Кыргыз ССРинин Илимдер академиясынын Энергетика жана суу чарба институтунда иштей баштаган.Султан Ибраимов 34 жашында Кыргыз ССРинин суу чарба жана мелиорация министри, Кыргызстан КП БКнын катчысы, Ош обкомунун 1-катчысы, Кыргыз ССР Министрлер Советинин төрагасы кызматтарын аркалаган. Кыргыз Республикасынын Баатыры эмгек жолунда эки Ленин, Октябрь революциясы ордендери, медалдар менен сыйланган. Аткаминерди 1980-жылы 4-декабрда Ысык-Көлдүн жээгиндеги мамлекеттик дачада атып кетишкен.Тема боюнча:
Быйыл көрүнүктүү мамлекеттик жана коомдук ишмер Султан Ибраимовдун 95 жылдыгы белгиленүүдө. Sputnik Кыргызстан агенттиги кыргыздын камчыга сап уулунун сүрөттөгү ирмемдерин сунуштайт.
Султан Ибраимов 1927-жылы 20-сентябрда Чүй районунун Алчалуу айылында жарык дүйнөгө келген. Мектептеги кезинде согуш башталып, өзү теңдүүлөр менен таалада трактор айдап, колхоздо иштеп жетилген. Тынч жашоо кайтканда Фрунзедеги Гидромелиорация техникумуна тапшырып, аны 1949-жылы кызыл диплом менен бүтүргөн. 1952-54-жылдары Ташкенттеги Ирригация жана айыл чарбасын механизациялоо инженердик институтунан билим алып кайткан соң Кыргыз ССРинин Илимдер академиясынын Энергетика жана суу чарба институтунда иштей баштаган.
Султан Ибраимов 34 жашында Кыргыз ССРинин суу чарба жана мелиорация министри, Кыргызстан КП БКнын катчысы, Ош обкомунун 1-катчысы, Кыргыз ССР Министрлер Советинин төрагасы кызматтарын аркалаган. Кыргыз Республикасынын Баатыры эмгек жолунда эки Ленин, Октябрь революциясы ордендери, медалдар менен сыйланган. Аткаминерди 1980-жылы 4-декабрда Ысык-Көлдүн жээгиндеги мамлекеттик дачада атып кетишкен.
Ибраимов өткөн кылымдын 50-жылдарынын соңунда Кыргызстан Коммунисттик партиясынын Борбордук комитетине чакыртылып республиканын чарбалык иштерине аралашкан
Султан Ибраимовго 2019-жылы (каза болгондон кийин) "Ак Шумкар" өзгөчө белгиси ыйгарылган. Кыргыз Республикасынын Баатыры 53 жашында бул дүйнө менен кош айтышкан.
![Султан Ибраимовго 2019-жылы (каза болгондон кийин) "Ак Шумкар" өзгөчө белгиси ыйгарылган. Кыргыз Республикасынын Баатыры 53 жашында бул дүйнө менен кош айтышкан. - Sputnik Кыргызстан](https://sputnik.kg/img/07e6/0a/17/1069266220_0:0:1944:2667_600x0_80_0_1_a970f8d11fd5db04ea20f9b39a00d663.jpg "Султан Ибраимовго 2019-жылы (каза болгондон кийин) "Ак Шумкар" өзгөчө белгиси ыйгарылган. Кыргыз Республикасынын Баатыры 53 жашында бул дүйнө менен кош айтышкан.")
