25 жыл министр болуп интернат, санаторий, оорукана курган Батыш Салиева. Сүрөттөрү
25 жыл министр болуп интернат, санаторий, оорукана курган Батыш Салиева. Сүрөттөрү
Sputnik Кыргызстан
Батыш Салиева 31 жашында Кыргыз ССРинин социалдык камсыздоо министри болгон. 25 жыл министр, 7 жыл республикалык профсоюздар кеңешинин төрайымы, анан да СССР... 27.09.2022, Sputnik Кыргызстан
Көрүнүктүү мамлекеттик ишмер Батыш Салиева — республиканын социалдык жактан өсүп-өнүгүшү үчүн ичкен ашын жерге коюп кызмат кылган инсан. Элге жакындыгынан министрди карылар үйүндөгү карыялар аны "апаке" деп чакырышкан.Батыш Салиева Ысык-Көл облусунун Түп районундагы Талды-Суу айылында 1922-жылдын 1-июлунда жарык дүйнөгө келген. Апасы Анастасия — орус кызы. Болочок министр эң биринчи орус-кыргыз үй-бүлөсүндө туулган наристе, апасы кызына Надежда деген ысым ыйгарат. Кийин эл аны Батыш деп атап алган.Бул кишинин аркасынан республикада жалпысынан 300 миң орундуу жети карылар үйү курулган. Согуштун катышуучулары үчүн 500 орундуу 10 гектар жери бар Төмөнкү Серафимовка айылындагы интернатты, карылар жана балдар үйлөрүн салган. Кыргызстан профсоюздар кеңешине төрайымдык кылган мезгилинде курорттук зоналарды, айрыкча, Ысык-Көл аймагын өнүктүрүүгө бардык күч-аракетин жумшаган. "Көгүлтүр Ысык-Көл" санаторийи, "Чолпон-Ата", "Ала-Тоо" эс алуу жайлары салынган. Мындан тышкары, Спорт сарайы жана "Саякат" мейманканасы ишке киргизилген.Салиева эки жолу Эмгек Кызыл Туу ордени, медалдар жана Кыргыз ССРинин Ардак грамоталары менен сыйланган. 1985-жылы ардактуу эс алууга чыгып, 2015-жылы дүйнөдөн кайткан.Тема боюнча:
Батыш Салиева 31 жашында Кыргыз ССРинин социалдык камсыздоо министри болгон. 25 жыл министр, 7 жыл республикалык профсоюздар кеңешинин төрайымы, анан да СССР Жогорку Советинин эки жолку депутаты болуп шайланган. Sputnik Кыргызстан Батыш Салиеванын сүрөттөрүн сунуштайт.
Көрүнүктүү мамлекеттик ишмер Батыш Салиева — республиканын социалдык жактан өсүп-өнүгүшү үчүн ичкен ашын жерге коюп кызмат кылган инсан. Элге жакындыгынан министрди карылар үйүндөгү карыялар аны "апаке" деп чакырышкан.
Батыш Салиева Ысык-Көл облусунун Түп районундагы Талды-Суу айылында 1922-жылдын 1-июлунда жарык дүйнөгө келген. Апасы Анастасия — орус кызы. Болочок министр эң биринчи орус-кыргыз үй-бүлөсүндө туулган наристе, апасы кызына Надежда деген ысым ыйгарат. Кийин эл аны Батыш деп атап алган.
Бул кишинин аркасынан республикада жалпысынан 300 миң орундуу жети карылар үйү курулган. Согуштун катышуучулары үчүн 500 орундуу 10 гектар жери бар Төмөнкү Серафимовка айылындагы интернатты, карылар жана балдар үйлөрүн салган. Кыргызстан профсоюздар кеңешине төрайымдык кылган мезгилинде курорттук зоналарды, айрыкча, Ысык-Көл аймагын өнүктүрүүгө бардык күч-аракетин жумшаган. "Көгүлтүр Ысык-Көл" санаторийи, "Чолпон-Ата", "Ала-Тоо" эс алуу жайлары салынган. Мындан тышкары, Спорт сарайы жана "Саякат" мейманканасы ишке киргизилген.
Салиева эки жолу Эмгек Кызыл Туу ордени, медалдар жана Кыргыз ССРинин Ардак грамоталары менен сыйланган. 1985-жылы ардактуу эс алууга чыгып, 2015-жылы дүйнөдөн кайткан.
СССР Жогорку Советинин 8-чакырылышынын депутаттарын шайлоо боюнча борбордук шайлоо комиссиясы. Батыш Салиева комиссиянын мүчөсү болгон. Москва, 1970-жыл.
Батыш Салиева Данияда өткөн агроөндүрүш комплексине катышууга барганда түшкөн сүрөтү. Ал 25 жыл Кыргыз ССРинин социалдык камсыздоо министри болуп эмгектен. 1972-жыл.
