Жапаров: эми балага кордук көрсөткөн бир да кылмышкер жазадан качып кутулбайт

© Фото / пресс-служба кабинета министров КР / Эргеш ЖусубалиевМинистрлер кабинетинин төрагасы Акылбек Жапаров
Министрлер кабинетинин төрагасы Акылбек Жапаров - Sputnik Кыргызстан, 1920, 23.08.2022
Жазылуу
Бишкекте республиканын билим берүү кызматкерлеринин, билим берүү тутумунун жетекчилеринин республикалык педагогикалык кеңешмеси өтүп жатат.
БИШКЕК, 23-авг. — Sputnik. Эми балага каршы кылмыш жасаган бир дагы кылмышкер жазадан качып кутула албайт, эскирүү мөөнөтү өткөнүнө карабастан, психикалык жактан ооруса дагы шарттуу түрдө эркиндикке чыга албайт, мунапыс ала албайт. Бул тууралуу министрлер кабинетинин төрагасы Акылбек Жапаров республиканын билим берүү кызматкерлеринин, билим берүү тутумунун жетекчилеринин республикалык педагогикалык кеңешмесинде сүйлөп жатып айтты.
Алгач өкмөт башчы Россиянын Ульяновск облусунда мекендештердин жол кырсыгынан каза болгондугуна байланыштуу Аза күтүү күнү деп жарыяланганына токтолуп, маркумдардын жакындарына көңүл айтты.
Андан соң билим алуу кандай мүмкүнчүлүктөргө жол ачарын тизмектеп, туруктуулук башкы нерсе экенин белгилеген.
"Ал эми билим алуу жаңы билимдерге ээ болуп, жаңы иш-аракеттерди жана ой жүгүртүү ыкмаларын үйрөнүүгө жана жашоого мүмкүнчүлүк берет. Ал азыркы кезде бүткүл дүйнө жүзү, анын ичинде биздин өлкө туш болуп жаткан чакырыктарга жооп берүүгө мүмкүндүк берет. Ал коомдогу тынчтыктын жана туруктуулуктун, экономикалык өнүгүүнүн жана жаратылышты коргоонун негизи болуп саналат. Билимдүү улут гана өлкөнүн өнүгүүсүнүн чыныгы локомотиви боло алат! Бирок коомдо балдарга жана өспүрүмдөргө карата зордук-зомбулуктар орун алса, бул мүмкүн эмес болуп калат. Анын үстүнө балдарга карата зордук-зомбулуктун статистикасы, тилекке каршы, өсүп жатат", — деди Жапаров.
Өкмөт башчы жакында эле "Кыргыз Республикасынын айрым мыйзам актыларына, анын ичинде Кылмыш-жаза кодексине жана "Мунапыс берүүнүн негиздери жана аны колдонуунун тартиби жөнүндө" мыйзамга өзгөртүүлөрдү киргизүү тууралуу" мыйзамга кол коюлганына токтолду.
"Эми балага каршы кылмыш жасаган бир дагы кылмышкер жазадан качып кутула албайт, эскирүү мөөнөтү өткөнүнө карабастан, психикалык жактан ооруса дагы шарттуу түрдө эркиндикке чыга албайт, мунапыс ала албайт. Баарыбыз, жалпы коомчулук, ата-энелер, мугалимдер жана социалдык кызматкерлер, дарыгерлер жана психологдор, милиционерлер, судьялар, адвокаттар, укук коргоочулар үчүн эң негизгиси — дароо коңгуроо кагып, зордук-зомбулуктун бир дагы фактысын көз жаздымда калтырбастан дароо жооп кайтаруу", — деди Жапаров.
Ал мындай учурларды түп-тамырынан аёосуз жок кылууга жана болтурбоого аракет кылуу зарылдыгын кошумчалады.
Билим берүү жана илим министри Алмазбек Бейшеналиев. Архив - Sputnik Кыргызстан, 1920, 22.08.2022
Бейшеналиев: 12 жылдык окууга өтүү кеңешилип, саясий колдоо тапты
Жаңылыктар түрмөгү
0