Жыл башынан бери өлкөдө экономиканын кайсы тармактары өстү

© Sputnik / Алексей Майшев / Медиабанкка өтүүТурак жай имаратынын курулушунда жумушчулар. Архив
Турак жай имаратынын курулушунда жумушчулар. Архив - Sputnik Кыргызстан, 1920, 12.08.2022
Жазылуу
Тышкы жана өз ара сооданын көлөмү январь-апрель айларында 5 миллиард долларды түзүп, 25,4 пайызга көбөйгөн.
БИШКЕК, 12-авг. — Sputnik. Кыргызстандын жыл башынан берки ички дүң продукциясы (ИДП) өткөн жылдын январь-июлуна салыштырмалуу 7,7 пайызга өсүп, 425 миллиард сомду түздү. Бул тууралуу Улуттук статистика комитети билдирди.
Ал эми "Кумтөр" ишканасын эсепке албаганда ИДПнын көлөмү 393 миллиард сомдон ашып, 2021-жылдын тийиштүү мезгилине салыштырмалуу 4,7 пайызга көбөйгөн.
Анын ичинен өнөр жай продукцияларынын көлөмү 227 миллиард сомдон ашып, 17,8 пайызга жогорулады. Курулушта 3,6, айыл чарбасында 8,4, дүң жана чекене соодада 7 пайыздык өсүү байкалган.
Ошол эле учурда тышкы жана өз ара соодасынын көлөмү январь-апрель айларында 5 миллиард долларды түзүп, 25,4 пайызга көбөйгөн. Анда экспорттук жөнөтүүлөр 40,5 пайызга азайса, импорттук келип түшүүлөр, тескерисинче, 1,7 эсе жогорулаган.
Республиканын ЕАЭБге мүчө мамлекеттер менен болгон өз ара соодасынын эң чоң үлүшү Россия (70 пайыз) менен Казакстанга (27,9 пайыз) туура келди.
Бал. Архивдик сүрөт - Sputnik Кыргызстан, 1920, 11.08.2022
Быйыл Японияга 400 тонна кыргыз балы жеткирилмей болду
Жаңылыктар түрмөгү
0