Быйыл Японияга 400 тонна кыргыз балы жеткирилмей болду

Бал. Архивдик сүрөт - Sputnik Кыргызстан, 1920, 11.08.2022
Жазылуу
НовостиTelegram
Биринчи 20 тонналык контейнер жакынкы аралыкта жөнөтүлөт.
БИШКЕК, 11-авг. – Sputnik. Токиодо Кыргызстандан Японияга 400 тонна бал экспорттоо боюнча келишимге кол коюлду. Бул тууралуу Тышкы иштер министрлиги билдирди.
Маалыматка караганда, 10-август күнү эки өлкөнүн ишкерлеринин аракетинин жана Япониядагы элчиликтин жардамы менен балды экспорттоо боюнча келишимге кол коюлган.
"Документ Sojitz соода компаниясынын катышуусу менен Japan style жана Yamada Bee Company Group ортосунда түзүлдү", — деп айтылат маалыматта.
Келишимге ылайык, аталган көлөмдөгү бал бир нече этап менен Японияга жеткирилет. Биринчи 20 тонналык контейнер жакынкы аралыкта жөнөмөкчү.
Белгилей кетсек, 2021-жылы Японияга 25 миллион 390 миң сомго 43,4 тонна кыргыз балы экспорттолгон.
Нарын облусунун аймагында өндүрүлгөн 10 азык-түлүккө Нарын бренд макамы ыйгарылды - Sputnik Кыргызстан, 1920, 05.08.2022
Нарындан чыккан 10 азыкка бренд ыйгарылды, эми дүкөндөрдө сатыла баштайт
Жаңылыктар түрмөгү
0