Айдоочулук күбөлүккө экзамен тапшырган 310 миң адамдын 77 пайызы өтпөй калды

© Sputnik / Табылды КадырбековАйдоочу куболугу. Архив
Айдоочу куболугу. Архив - Sputnik Кыргызстан, 1920, 18.07.2022
Жазылуу
Министр айдоочулук күбөлүктөрдү алуу жоопкерчилиги күчөтүлгөнүн белгиледи.
БИШКЕК, 18-июл. — Sputnik. Жыл башынан бери айдоочулук күбөлүк алуу үчүн экзамен тапшырган кыргызстандыктардын 77 пайызы өтпөй калды. Бул тууралуу ички иштер министри Уланбек Ниязбеков маалымат жыйында билдирди.
"Жол кырсыктарынын бирден-бир себеби, жол эрежелерин сактабагандык болуп эсептелгендиктен айдоочулук күбөлүктөрдү алуу жоопкерчилигин күчөткөнбүз. Быйылкы жылдын башынан бери "Унаа" мекемеси тарабынан 310 502 жаран жол эрежелери боюнча экзамен тапшырган. Анын жыйынтыгында 22 пайызы гана экзаменден өтүп, калган 77 пайызы тапшыра алган жок. Башкача айтканда, 241 миң 186 жаран сынактан "кулады", — деди Ниязбеков.
Министр мунун себебин айдоочулук күбөлүктөрдү алуу процедурасы күчөтүлүп, экзаменде видеокамералар жана жаңы санарип ыкмалар колдонулуп жаткандыгынан улам болууда деп түшүндүрдү.
Жол кыймылы коопсуздугун камсыздоо башкы башкармалыгынын кызматкерлери - Sputnik Кыргызстан, 1920, 28.03.2022
Айдоочулар жол эрежелеринин кайсы түрүн көп бузат. Бир жуманын тизмеги
Жаңылыктар түрмөгү
0