"Сан-Таш" корук музейи жарыялаган сынактагы мыкты долбоор аныкталды. Сүрөт

© Фото / пресс-служба МКИСиМПТаш менен курулган коргон Сан-Таш
Таш менен курулган коргон Сан-Таш - Sputnik Кыргызстан, 1920, 18.05.2022
Жазылуу
Yandex newsTelegram
Долбоор сак жана усундар доорундагы сөөк коюу каадасына байланыштуу илимий археологиялык маалыматтарды эске алуу менен иштелип чыккан.
БИШКЕК, 18-май — Sputnik. Ысык-Көл облусундагы “Сан-Таш” мамлекеттик тарыхый-маданий корук музейи жарыялаган сынакка түшкөн эмгектердин ичинен мыкты делген долбоор аныкталды. Бул тууралуу Маданият, маалымат, спорт жана жаштар саясаты министрлиги кабарлады.
© Фото / пресс-служба МКИСиМППроект государственного историко-культурного музея-заповедника "Сан-Таш"
Проект государственного историко-культурного музея-заповедника Сан-Таш - Sputnik Кыргызстан, 1920, 17.05.2022
Конкурс мартта жарыяланган болчу. Ал Ысык-Көл облусунун Түп районундагы “Сан-Таш” тарыхый-маданий жана мемориалдык комплексинин долбоорун иштеп чыгуу аркылуу тарыхый-маданий мурас объектилеринин сакталышын, корголушун жана натыйжалуу пайдаланылышын камсыздоо боюнча оригиналдуу идеяларды издөө максатында уюштурулган.
Тандалган долбоордун жетекчиси — Мамасадык Амыркулов, архитекторлору — Марат Ашимбаев жана Сабырбек Байымбеков, скульпторлору — Марлен Бакачиев жана Садыр Мокеев болгон. Алардын сунуштаган эмгеги сак жана усундар доорундагы сөөк коюу каадасына байланыштуу илимий археологиялык маалыматтарды эске алуу менен иштелип чыккан.
Маалымат катары айта кетсек, "Сан-Таш" коргон комплекси Күнгөй жана Тескей Ала-Тоолорунун ортосундагы ашууда жайгашкан. Бул жерде сак доорундагы башчылар менен падышалардын бейиттери жайгашып, биздин заманга чейинки VI-I кылымдарга таандык деп келет. Комплекстин ортосундагы таш менен курулган коргон Сан-Таш деп аталат. Анын бийиктиги төрт, диаметри 56 метр.
Музейдеги түн акциясы. Архив - Sputnik Кыргызстан, 1920, 17.05.2022
Бишкекте 18-май күнү "Музейдеги түн" өтөт
Жаңылыктар түрмөгү
0