Новак: Европа Россия газын азыр да, жакынкы 5 жылда да эч нерсеге алмаштыра албайт

© Sputnik / Сергей Пятаков / Медиабанкка өтүүРФ вице-премьери Александр Новак. Архив
РФ вице-премьери Александр Новак. Архив - Sputnik Кыргызстан, 1920, 24.03.2022
Жазылуу
Новак Россия Европа мамлекеттерине 200 миллиард куб метрге жакын көлөмдө газ берерин айтты.
БИШКЕК, 24-мар. — Sputnik. Европа Россиянын газын азыр да, жакынкы беш жылда да эч нерсе менен алмаштыра албайт. Бул туурасында РФ вице-премьери Александр Новак "Россия 1" телеканалындагы маегинде айткан.
"Өзүңөр деле карап көргүлөчү, газ тармагына келе турган болсок, Европанын муктаждыгы 500 миллиард куб болсо, анын 200 миллиард куб метрин биз берип келебиз. Андыктан бир жылда дагы, эки, үч жылда дагы эч нерсе менен (газды - ред.) алмаштыра албастыгы айдан ачык", — деген Новак.
Аткаминер "бул жашоодо бардыгы болорун", бирок Европанын россиялык энергетикалык ресурстардан толук баш тартышы "кандайдыр бир апокалипсистик сценарий" экенин айткан.
Мурдараак Владимир Путин Россия жакынкы мезгилде Европага берген газдын акчасын рубль менен эсептешүүгө өткөрөрүн айткан.
Россия 24-февралда Украинаны демилитаризациялоо боюнча атайын операцияны баштаган. Ага жооп кылып Батыш өлкөлөрү Москвага каршы санкцияларды каршы-терши салган. Ал банк секторунан тарта жогорку технологияларды киргизген тармакка чейин жеткен. Бир катар бренддер аталган өлкөдө ишин токтоткон. АКШ россиялык углеводороддорду сатып алуудан баш тартса, Британия да жыл соңуна чейин бул аракетин ишке ашырарын билдирген. Европа биримдиги Россиянын энергетикалык ресурстарынан көз каранды болуудан кутулуу туурасында маселени айтып чыгышкан.
Жаңылыктарды кыска жана ыкчам окугуңуз келсе Telegram каналыбызга катталыңыз.
Жаратылыш газ сактоочу жерде клапандарды текшерип жаткан техник. Архив - Sputnik Кыргызстан, 1920, 17.03.2022
Россиянын Донбассты коргоо боюнча атайын операциясы
АКШнын суюлтулган газы Россиянын газын алмаштыра алабы? Сереп
Жаңылыктар түрмөгү
0