Мамытов: Батыш өз элине актаныш үчүн Россия менен конфликтиге барууда
© Sputnik / Асель Сыдыкова
Жазылуу
Министрлер кабинетине караштуу экономикалык саясатты изилдөө институтунун эксперти, экономист Улукман Мамытов рублдин келечеги кең экенин белгиледи.
Россия менен учурда Украина эмес, батыш өлкөлөрү жана АКШ кагылышууга барууда. Алар бул жагдайсыз деле экономикалык кризиске кептелүү коркунучунда турушкан. Өз элинин алдында "Украинадагы абалдан улам экономикалык кризис пайда болду" деп айтууга шылтоо керек эле. Мындай пикирин Улукман Мамытов Sputnik Кыргызстан радиосунда маек куруп жатып билдирди.
Мамытов: Батыш өз элине актаныш үчүн Россия менен конфликтиге барууда
Анын айтымында, учурда Россиянын улуттук бакубаттуулук фондунда 600 миллиард доллар запас акчасы бар.
"Украинадагы абалдын жаралышын Россия каалаган эмес. Эгер орус бийлигинин мындай каалоосу болсо мындан сегиз жыл мурда деле жасамак. Учурда бул кагылышуу Батышка жана АКШга ыңгайлуу болуп турат. Анткени батыштын экономикасы чоң кризиске кептелүү коркунучунда. АКШда болсо күзүндө палата өкүлдөрүнө шайлоо өтүшү керек. Соңку жылдары республикачылар менен демократтардын ортосундагы ири пикир келишпестиктер, элдин демократтарга карата жылдан-жылга ишениминин азайып баратышы бийлигин тынчсыздандырууда. Андыктан Батышка да, АКШга да ансыз да алсырап калган экономикасын Украинадагы абалдан улам келип чыккан деп өз элине көрсөтүү кызыкчылыгы турат. Россиянын болсо абалы башкача. Албетте, башында россиялыктар чочулап, 2-3 жума ызы-чуу жаралышы ыктымал. Бирок федерациянын экономикасы профицит, рублдин келечеги кең, запасында 600 миллиарддан ашуун доллары бар. Анын жарымынан көбүн батыш тоңдуруп койду, ошентсе да Россия экономикалык кыйынчылыкка анчейин деле дуушар болбойт", — деди Мамытов.
Экономист АКШ экономикасы болуп көрбөгөндөй кризиске кептелип жаткандыгы үчүн өткөн жылы 11 триллион доллар чыгарганын кошумчалады.
