Тажикстанда тынч эмес. Күндүз болгон митинг Москвадагы элчиликте уланды

© © SputnikТажикстандын Москвадагы элчилигинин алдындагы митинг
Тажикстандын Москвадагы элчилигинин алдындагы митинг - Sputnik Кыргызстан, 1920, 26.11.2021
Жазылуу
Митингге чыккандар Тажикстандын укук коргоо органдарына нааразы болууда. Күндүз Хорог шаарындагы акцияда элге ок атылганы айтылган, бирок маалыматты расмий такташа элек.
БИШКЕК, 26-ноя. — Sputnik. Тажикстандын Москвадагы элчилигинин алдында жүздөгөн адам митингге чыкканын Sputnik Тажикстан агенттиги жазды.
Жеринде иштеп жаткан кабарчы полиция коопсуздук чараларын күчөтүп, элчиликтин имаратына чейинки жолду курчоого алганын айткан. Жалпысынан абал тынч, эл дипломатиялык өкүлчүлүккө жакын көчөлөрдө чогулган.
Нааразычылык күндүз коңшу өлкөдө башталган. Хорог шаарында Гульбуддин Зиёбеков аттуу киши кармалгандан кийин митингге чыккандар болгон. Ал аймактык прокурордун жардамчысын уурдап кетип сабаган деп шектелген. Прокуратура кармоо учурунда ал ок чыгаргандыктан жооп катары ага да ок атылганын айткан. Бирок социалдык тармактарда ал өлтүрүлгөндүктөн нааразычылык чыкканы тууралуу маалымат тараган.
Айрым ЖМКлар митингге чыккандарга ок атылып, эки киши көз жумганын жазды, бирок расмий түрдө комментарий бериле элек.
Учурда Хорогдо коопсуздук чаралары күчөтүлгөн.
Жаңылыктар түрмөгү
0