Токтосунов Алтынбек Турусбекович — өмүр баяны
01:10 12.11.2021 (Жаңыртылды: 14:27 14.12.2021)
© Фото / пресс-служба партии "Азаттык"
Жазылуу
Алтынбек Токтосунов 1973-жылдын 11-февралында Жалал-Абад облусуна караштуу Көк-Жаңгак шаарында туулган. Жогорку билимдүү.
Билими:
- 1994-жылы Ош мамлекеттик университетинин физика жана математика факультетин бүтүргөн;
- 2001-жылы ИИМдин академиясын аяктаган.
Эмгек жолу:
- 1995-1997 — Ош шаардык ИИБдин өспүрүмдөр менен иштөө инспекциясынын инспектору;
- 1997-1998 — Ош шаардык ИИБдин кылмыш иликтөө бөлүмүнүн ыкчам кызматкери;
- 2000-2006 — Ош шаардык ИИБдин тергөө кызматынын ага тергөөчүсү, өзгөчө маанилүү иштер боюнча ага тергөөчү;
- 2006-2007 — Ош шаардык ИИБдин тергөө бөлүмүнүн башчысы;
- 2007-2009 — ИИМдин башкы тергөө башкармалыгынын уюшкан кылмыштуулукка байланышкан кылмыштарды тергөө бөлүмүнүн ага тергөөчүсү;
- 2009-2011 — Бишкек ШИИБдин тергөө башкармалыгынын уюшкан кылмыштарга байланыштуу резонанстуу кылмыштарды тергөө бөлүмүнүн тергөөчүсү;
- 2011-2014 — Баңгизатты көзөмөлдөө боюнча мамлекеттик кызматтын түштүк аймагы боюнча тергөөчү, ага тергөөчү, ыкчам кызматкери, ага ыкчам кызматкер;
- 2014 — подполковник наамы менен пенсияга чыккан. Ошондон тарта Бишкек аймактык адвокатурасынын жактоочусу болуп эмгектенип келет.
Үй-бүлөлүү, беш кыз, бир уулдун атасы.
