Кар дагы жаайбы? Бир жумага карата аба ырайы

© Sputnik / Табылды КадырбековКар учурунда көчөдө бараткан адамдар. Архив
Кар учурунда көчөдө бараткан адамдар. Архив - Sputnik Кыргызстан, 1920, 07.11.2021
Жазылуу
Келе жаткан жумада өлкөнүн көпчүлүк аймагында кар жаабай турганы айтылды, бирок күн суук болот.
БИШКЕК, 7-ноя. — Sputnik. Кыргызгидромет алдыдагы аптага карата аба ырайынын божомолун жарыялады.
Маалыматка ылайык, аптанын ортосунда тоолуу райондорго эле кар жаабаса, өрөөндөргө жаабайт деп боолголонду. Апта ичи күн ачык болот. Бишкекте жаан-чачын күтүлбөйт.

Чүй, Талас облустары

Чүй менен Талас облусунда аба ырайы дээрлик окшош боло турганын Кыргызгидрометтин маалыматынан көрсө болот. Эки облуста тең 7-ноябрдан 9-ноябрга чейин күн ачык болот. 10-ноябрда тоолуу райондордо кар жаашы күтүлөт, дыйканчылык аймактарда жаан жаабай турганы айтылды. Андан кийин 11инен 13-ноябрга чейин күн ачык болору божомолдонду.

Ош, Жалал-Абад, Баткен облустары

7-8-ноябрда жана 9-ноябрда түнкүсүн жаан-чачын күтүлбөйт. 9-ноябрда күндүз тоо этектеринде жана тоолуу райондордо кар жаашы ыктымал. Өрөөндөргө жаабайт. Андан кийин апта этегине чейин күн ачык боло турганы айтылды.

Ысык-Көл облусу

Ысык-Көлдө 7-ноябрдан 13-ноябрга чейин жаан, кар жаабай турганы божомолдонду.
Бирок тоо этектеринде жана тоолуу райондордо жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетиши күтүлөт.

Нарын облусу

Нарында дагы 7синен 13-ноябрга чейин күн ачык болот. Анткен менен абанын температурасы көп көтөрүлбөйт. Күндүз 3...5 градуска чейин жылыса, түнкүсүн -6 градуска чейин муздайт.
Жаңылыктар түрмөгү
0