БИШКЕК, 15-авг. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.
Ага ылайык, Бишкек шаарында дүйшөмбүдө түнкүсүн өткүн өтүп, күн күркүрөшү күтүлөт. Ал эми күндүз күн ачылып, ишембиге чейин жаан жаабайт.
Чүй облусу
16-августта кээ бир райондордо өткүн өтүп, күн күркүрөйт. Андан кийин апта аягына чейин күн ачык болот.
Талас облусу
16-августта түнкүсүн кээ бир райондордо өткүн өтүп, күн күркүрөшү күтүлөт. Ошол бойдон 21-августка чейин жаан-чачын болбойт.
Батыштан соккон шамалдын ылдамдыгы секундасына 4-9 метрден, 16-августта кээ бир райондордо 15-20 метрге жетет.
Ош облусу
16-августта тоо этектеринде жана тоолуу райондордо өткүн өтүп, күн күркүрөшү, тоолорго кар жаашы күтүлөт. Өрөөндөрдө жамгыр жаабайт.
17-19-август күндөрү жаан-чачын күтүлбөйт.
20-21-августта күндүз тоолуу аймактарда өткүн өтөт, дыйканчылык райондорунда жаан жаабайт.
Жалал-Абад облусу
16-19-августта жаан-чачын күтүлбөйт.
20-21-августта күндүз тоолуу райондордо өткүн өтөт, дыйканчылык аймактарда ачык болот.
Баткен облусу
Бул жуманын ичинде күндүн көзү бузулбайт.
16-августта кээ бир райондордо жаан-чачын катуу жаашы күтүлөт.
17-августта түнкүсүн кээ бир райондордо өткүн өтүп, күн күркүрөшү күтүлөт. Ал эми күндүз жана 18-августта түнкүсүн жамгыр жаабайт.
Нарын облусу
16-августта көпчүлүк аймактарда өткүн өтүп, кээ бир райондордо жаан-чачын катуу жаашы ыктымал.
17-августта жана 18-августта түнкүсүн жаан жаабайт. 18-августта күндүз тоолуу райондордо өткүн өтүп, 21-августта кээ бир райондордо жаан жаайт.
